مينيستردەن «ىلە-بالقاش» رەزەرۆاتىنا جولبارىستاردىڭ جىبەرىلۋى وسى اۋماقتا بۇرىننان مەكەندەيتىن جىرتقىشتارعا قالاي اسەر ەتەتىنى سۇرالدى.
ونىڭ ايتۋىنشا، جولبارىستار تابيعاتتاعى قورەكتىك تىزبەكتىڭ ەڭ جوعارعى ساتىسىندا تۇرادى جانە وزدىگىنەن اڭ اۋلاۋعا بەيىمدەلۋى كەرەك.
— ولار وزدەرى اڭ اۋلاۋى كەرەك. ونىڭ ىشىندە قاسقىر بولۋى مۇمكىن، قۇلان بولۋى مۇمكىن. قازىر تابيعات ءوزىن-ءوزى رەتتەيدى. ال جولبارىس قورەكتىك تىزبەكتىڭ ەڭ جوعارعى دەڭگەيىندە تۇرادى، — دەدى الىبەك قۋانتىروۆ.
جولبارىس — ءىرى جىرتقىش. ول تابيعي ورتادا ءارتۇرلى جابايى جانۋارلارمەن قورەكتەنەدى. سوندىقتان ونىڭ تاريحي مەكەنىنە قايتا ورالۋى جەرگىلىكتى جانۋارلار دۇنيەسىندەگى تابيعي بايلانىستاردىڭ قالپىنا كەلۋىنە ىقپال ەتۋى مۇمكىن.
قازاقستاندا جولبارىستاردى قايتا جەرسىندىرۋ باعدارلاماسىنىڭ نەگىزگى ماقساتتارىنىڭ ءبىرى — جىرتقىشتاردىڭ ادامنىڭ كومەگىنسىز تىرشىلىك ەتىپ، تابيعي ورتادا قورەك تابۋىنا جاعداي جاساۋ.
ايتا كەتەيىك، بۇعان دەيىن قازاقستانعا اكەلىنگەن العاشقى جولبارىستىڭ تابيعي ورتاعا بەيىمدەلىپ، وزدىگىنەن اڭ اۋلاي باستاعانى حابارلانعان بولاتىن.