جولبارىس تۋرالى ۆيدەو تاراتقان تەمىرتاۋلىق قوماقتى ايىپپۇل ارقالادى
استانا. KAZINFORM - الەۋمەتتىك جەلىلەردە «جول بويىندا جولبارىس ءجۇر» دەگەن ۆيدەو تارادى. مۇنى كورگەن قالا تۇرعىندار ۇرەيلەنىپ كەتتى.
وبلىستىق پ د مالىمەتىنشە، قاراعاندى وبلىسىندا جالعان اقپارات تاراتقان ايەل جاۋاپكەرشىلىككە تارتىلدى.
- پوليتسيا قىزمەتكەرلەرى قوعامدىق ءتارتىپتى بۇزۋعا اكەپ سوقتىرعان جالعان اقپارات تاراتقان ايەلدى اكىمشىلىك جاۋاپكەرشىلىككە تارتىپ، 73840 تەڭگە كولەمىندە ايىپپۇل سالدى. جالعان اقپارات تاراتۋ اكىمشىلىك، ال كەيبىر جاعدايلاردا قىلمىستىق جاۋاپكەرشىلىككە اكەپ سوعاتىنىن ەسكە سالامىز. ازاماتتاردى ءوز جاريالانىمدارىندا جاۋاپكەرشىلىكپەن قاراۋعا جانە ونى تاراتپاس بۇرىن اقپاراتتىڭ دۇرىستىعىن تەكسەرۋگە شاقىرامىز!، - دەپ ەسكەرتتى ءتارتىپ ساقشىلارى.
ەسكە سالساق، بۇدان بۇرىن اقتوبە اۋەجايىندا قوعامدىق ءتارتىپتى بۇزعان ماس جولاۋشى رەيستەن تۇسىرىلگەنى حابارلاندى.