ونىڭ سوزىنشە، جول سالۋعا قاجەتتى ماتەريالداردى تاڭداعاندا كليماتتىق جاعداي مەن كولىك جۇكتەمەسىن ەسكەرۋ ماڭىزدى.
- باسىم باعىتتارىمىزدىڭ ءبىرى - ەلىمىزدە وندىرىلەتىن پوليمەرمەن تۇرلەندىرىلگەن بيتۋمدى قولدانۋ. بۇل ماتەريال اسفالتبەتون جابىنىنىڭ ويىلۋعا جانە جارىقشاقتانۋعا توزىمدىلىگىن ارتتىرادى، - دەدى ماقسات قالياقپاروۆ.
بۇگىندە ەلىمىزدە جول قۇرىلىسىنا ارنالعان ماتەريالدار مەن جاڭا تەحنولوگيالاردىڭ ءبىرىڭعاي دەرەكقورى جۇمىس ىستەيدى. وندا ماتەريالدار مەن تەحنولوگيالار، ولاردىڭ سىناق ناتيجەلەرى جانە قولدانىلۋ اياسى تۋرالى مالىمەتتەر جيناقتالعان. بۇل ماماندارعا ءار جوباعا لايىق ماتەريال مەن تەحنولوگيا تاڭداۋعا كومەكتەسەدى.
سونىمەن بىرگە ۆيتسە-مينيستر جاڭا ماتەريالداردىڭ قولدانىستاعى جولداردا قانشالىقتى ءتيىمدى ەكەنىن باعالاۋ ماڭىزدى ەكەنىن اتاپ ءوتتى.
ونىڭ ايتۋىنشا، وتاندىق جانە شەتەلدىك ماماندارمەن تاجىريبە الماسۋ جاقسى ناتيجە كورسەتكەن تەحنولوگيالاردى وزگە جول جوبالارىندا دا كەڭىنەن قولدانۋعا مۇمكىندىك بەرەدى.
ايتا كەتەيىك، بۇعان دەيىن جول سالاسىندا 8 ميلليارد تەڭگەنىڭ زاڭبۇزۋشىلىعى انىقتالعانىن جازعان ەدىك.