استانا. KAZINFORM - تۇركىستان وبلىسى سارىاعاش اۋدانىندا قوزعالىستاعى كولىكتىڭ ليۋگىنەن شىعىپ، جول ۇستىندە تورت ازىرلەگەن ايەلدىڭ ۆيدەوسى الەۋمەتتىك جەلىدە تارادى. قاۋىپتى كادر پوليتسيا نازارىنا ءىلىنىپ، ءتارتىپ ساقشىلارى KIA Ceed اۆتوكولىگىن جانە ونىڭ جۇرگىزۋشىسىن جەدەل انىقتادى، دەپ حابارلايدى turkystan.kz.
تەكسەرۋ بارىسىندا كولىكتى 36 جاستاعى ەر ادام - ايەلدىڭ جۇبايى باسقارعانى، ال 35 جاستاعى ايەل ليۋكتەن شىعىپ، تورت ازىرلەگەنى بەلگىلى بولدى. جول قوزعالىسى قاۋىپسىزدىگى تالاپتارىن بۇزعان ەرلى-زايىپتىعا قاتىستى ءتيىستى اكىمشىلىك شارالار قابىلداندى.
پوليتسيا الەۋمەتتىك جەلىگە كونتەنت ءتۇسىرۋ كەزىندە جول قاۋىپسىزدىگى تالاپتارىن ساقتاۋعا شاقىردى. ۆەدومستۆونىڭ ەسكەرتۋىنشە، اسەرلى كادر ءۇشىن جاسالعان مۇنداي قاۋىپتى ارەكەتتەر ادام ومىرىنە قاۋىپ ءتوندىرىپ، قايعىلى جاعدايعا اكەلۋى مۇمكىن.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан