جول ساقشىلارىنىڭ جاسىرىن پاترۋلدەۋى زاڭدى ما

استانا. KAZINFORM - ءى ءى م اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا جاسىرىن پاترۋلدەۋ شارالارىنىڭ زاڭسىزدىعىن ايتىپ سىناۋشىلارعا جاۋاپ بەردى.

«اقپارات قۇرالدارى پوليتسيانىڭ جاسىرىن پاترۋلدەۋى قانشالىقتى زاڭدى ارەكەت ەكەنىن بەلسەندى تالقىلاپ جاتىر. پوليتسيانىڭ بەلگىلەنبەگەن اۆتوكولىكتە جاسىرىن پاترۋلدەۋى ىشكى ىستەر ورگاندارى تۋرالى، جول ءجۇرىسى تۋرالى زاڭداردا كوزدەلگەن مينيسترلىكتىڭ ىشكى بۇيرىقتارىندا بار ەكەنىن بىردەن ناقتىلايمىن. ءوز كەزەگىندە اتالعان زاڭدار ق ر كونستيتۋتسياسىنىڭ تالاپتارىنا سايكەس ازىرلەنىپ قابىلدانعان. بۇل - بۇكىل الەمدىك تاجىريبە»، - دەدى قايسار سۇلتانبايەۆ.

ونىڭ پايىمداۋىنشا، جولدا پوليتسيانىڭ تۇرۋى جۇرگىزۋشىلەردى تارتىپكە كەلتىرىپ، اپاتتار سانىن ازايتادى.

«جاسىرىن پاترۋلدەۋدىڭ ماقساتى - جاپپاي جازالاۋ ەمەس، كەرىسىنشە، كەز كەلگەن بۇزۋشىلىقتان اۋلاق بولۋ كەرەك ەكەنىن جەتكىزۋ. ويتكەنى پوليتسيا ەلدىڭ بۇكىل جولدارىن باقىلايدى. بۇعان بولاشاقتا اۆتوبۋستار مەن جەدەل جاردەم كولىكتەرىندە ورنالاسقان كامەرالار دا ىقپال ەتەدى»، - دەدى ول.

اۆتور
ەسىمجان ناقتىباي