جول سالاسىنداعى وتاندىق عالىمداردىڭ ازىرلەمەلەرى كوممەرتسيالاندىرىلادى
استانا. KAZINFORM - زەرتتەۋلەردىڭ باسىم باعىتتارىن جانە جول سالاسىنداعى نەگىزگى سىن-قاتەرلەردى ايقىنداۋ، سونداي-اق وتاندىق عالىمداردىڭ جاڭاشىلدىق ازىرلەمەلەرىن كورسەتۋ جانە كوممەرتسيالاندىرۋ ءۇشىن پلاتفورما قۇرۋ ماقساتىندا الماتىدا «جول قۇرىلىسى: عىلىم جانە بيزنەس» اتتى فورۋم ءوتتى.
فورۋم اياسىندا وتاندىق عالىمدار وزدەرىنىڭ كوممەرتسيالاندىرۋعا دايىن تەحنولوگيالارى مەن ماتەريالدارىن الەۋەتتى ينۆەستورلار مەن سالالىق ورگاندارعا ۇسىنۋ، سونداي-اق ازىرلەمەلەرىن ودان ءارى كوممەرتسيالاندىرۋ ءۇشىن بايلانىس ورناتۋ جانە ينۆەستيتسيالاردى تارتۋ مۇمكىندىگىنە يە بولدى.
«مەملەكەت باسشىسى قاسىم-جومارت توقايەۆ عىلىم جونىندەگى ۇلتتىق كەڭەستىڭ وتىرىسىندا وتاندىق عالىمداردىڭ عىلىمي ازىرلەمەلەرىن كوممەرتسيالاندىرۋعا ەرەكشە نازار اۋدارعان بولاتىن. بۇل ءۇشىن عىلىمي قوعامداستىق پەن بيزنەستىڭ ءوزارا ءىس-قيمىلىنىڭ ءتيىمدى مەحانيزمىن قۇرۋ قاجەتتىگىن اتاپ ءوتتى. فورۋم اياسىندا وسى مەحانيزمدى ىسكە اسىرۋ جانە قۇرۋ ءۇشىن تىڭ يدەيالاردىڭ ايتىلاتىنىنا سەنىمدىمىز»، - دەدى ق ر كولىك ۆيتسە-ءمينيسترى ءساتجان ابلاليەۆ.
فورۋمدى «قازاقستان جول عىلىمي-زەرتتەۋ ينستيتۋتى» ا ق «قازاقستان رەسپۋبليكاسى پرەزيدەنتىنىڭ جانىنداعى قازاقستان رەسپۋبليكاسىنىڭ ۇلتتىق عىلىم اكادەمياسى» ك ە ا ق قولداۋىمەن ۇيىمداستىرىپ، مۇحامەدجان تىنىشبايەۆ اتىنداعى ALT ۋنيۆەرسيتەتى قولداۋ كورسەتكەنىن اتاپ وتكەن ءجون.