جول ءجۇرىپ كەلە جاتىپ ەنەرگەتيك سۋسىن ىشكەن جىگىت جەدەل اۋرۋحاناعا جەتكىزىلدى
08:32, 12 - قىركۇيەك 2024
استانا. KAZINFORM - اپاتتار مەديتسيناسى ورتالىعىنىڭ قىزمەتكەرلەرى ساياحاتشىعا كومەككە كەلدى. ءتۇن ورتاسىندا تراسسالىق مەديتسينالىق-قۇتقارۋ پۋنكتىنە الماتىدان قاراعاندىعا كەلە جاتقان اۆتوماشينا جولاۋشىسىنىڭ دەنساۋلىعى ناشارلاعانى تۋرالى حابار ءتۇستى.
جەدەل ارەكەت ەتۋ بريگاداسىنىڭ دارىگەرلەرى 1981 -جىلى تۋعان ەر ادامنىڭ 2 بانكا ەنەرگەتيكالىق سۋسىن ىشكەنىن انىقتادى.
سونى ىشكەننەن كەيىن كەنەت جاعدايى ناشارلاعان جىگىتكە ءجىتى پانكرەاتيت دياگنوزى قويىلىپ، مەديتسينالىق كومەك كورسەتىلدى.
سودان سوڭ ناۋقاس بالقاش قالاسىنىڭ اۋرۋحاناسىنا جەتكىزىلدى.
«ەنەرگەتيكالىق سۋسىنداردى شامادان تىس تۇتىنۋ دەنساۋلىعىڭىزعا كەرى اسەر ەتۋى مۇمكىن» دەپ ەسكەرتەدى اپاتتار مەديتسيناسى قىزمەتى.