جەتىسۋدا شەنەۋنىك مۇگەدەكتىك بەرگەنى ءۇشىن 450 مىڭ تەڭگەدەن پارا الىپ وتىرعان

تالدىقورعان. Kazinform - تالدىقورعان قالالىق سوتىندا پارا العان مەن بەرگەندەردىڭ ءىسى قارالدى.

ءبىر سوتتالۋشىعا پارا العانى ءۇشىن (ق ك 366-بابىنىڭ 3-بولىگىنىڭ 4-تارماعى)، ۇشەۋىنە پارا الۋ بويىنشا دەلدال بولعانى (ق ك 368-بابىنىڭ 2-بولىگى، 1-بولىگى)، بەسەۋىنە پارا بەرگەنى (ق ك 367-بابىنىڭ 1-بولىگى) ءۇشىن ايىپ تاعىلدى.

جەرگىلىكتى ەڭبەك دەپارتامەنتى مەديتسينالىق- الەۋمەتتىك ساراپتاما ءبولىمىنىڭ باسشىسى دەلدالدار - پانفيلوۆ اۋداندىق اۋرۋحاناسىنىڭ تراۆماتولوگى، سارقان اۋداندىق اۋرۋحاناسىنىڭ پسيحياترى جانە اقسۋ اۋداندىق اۋرۋحاناسىنىڭ ۋزي دارىگەرى ارقىلى بىرنەشە رەت 450 مىڭ تەڭگەدەن پارا العان.

بەس ادام پارا بەرىپ، مۇگەدەكتىك الىپ، ۇزارتقان.

سوت ۇكىمىمەن ءبولىمنىڭ بۇرىنعى باسشىسى 8,7 ميلليون ​​تەڭگە (پارانىڭ 60 ەسەلەنگەن مولشەرى) ايىپپۇل تولەيتىن بولدى.

تراۆماتولوگقا 9 ميلليون تەڭگە ايىپپۇل سالىندى (پارانىڭ 20 ەسەلەنگەن مولشەرى)؛

پسيحياتر مەن ۋزي دارىگەرى سايكەسىنشە 300 مىڭ تەڭگە جانە 700 مىڭ تەڭگە (پارانىڭ 10 ەسەلەنگەن سوماسى) ايىپپۇل تولەيدى.

بەس پارا بەرۋشىگە قىلمىستىق كودەكستىڭ 367-بابىنىڭ 1-بولىگى بويىنشا 450 مىڭنان 1,5 ميلليون تەڭگەگە دەيىن ايىپپۇل سالىندى.

ايىپپۇلدى تولەۋدەن جالتارعان جاعدايدا تولەنبەگەن بولىگى باس بوستاندىعىنان ايىرۋ جازاسىنا اۋىستىرىلادى.

ۇكىم زاڭدى كۇشىنە ەنگەن جوق.

اۆتور
جانات قاپالبايەۆا