تالدىقورعان. KAZINFORM - ۇلتتىق دومبىرا كۇنىنە وراي ۇيىمداستىرىلعان ءىس-شارا 7-شىلدەدە «جاستار» ساياباعىندا ءوتتى. وعان وبلىستاعى مادەنيەت مەكەمەلەرىنىڭ دومبىراشىلارىمەن بىرگە ءبىر مەزەتتە اۋداندىق، قالالىق مەكەمەلەردىڭ ونەرپازدارى تاڭاتار الشابەكوۆتىڭ «جەتىسۋ كۇيىن» ورىندادى.
مەرەكە اياسىندا م. تىنىشپايەۆ اتىنداعى وبلىستىق تاريحي-ولكەتانۋ مۋزەيى، وبلىستىق كوركەمونەر گالەرەياسى جانە ساكەن سەيفۋللين اتىنداعى وبلىستىق ورتالىق كىتاپحانالارى كىتاپ كورمەلەرى مەن قولونەر شەبەرلەرىنىڭ كورمەلەرىن ۇيىمداستىردى.
سونداي-اق وبلىستىڭ اۋداندارى مەن قالالارىنىڭ ورتالىق الاڭدارىندا دومبىرا كۇنىنە ارنالعان ءىس-شارالار ۇيىمداستىرىلىپ جاتىر.
بۇعان دەيىن شىعىس قازاقستان وبلىسىنىڭ پوليتسيا قىزمەتكەرلەرى دە مەرەكەنى ەلەۋسىز قالدىرماعانى جايلى جازعان ەدىك.
اۆتور
ديانا تۇرلىبەك
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан