استانا. KAZINFORM - جەتىسۋ وبلىسىندا تۇرمىستىق زورلىق-زومبىلىق جاساعان ازامات سوتتالدى. ول قىلمىس جاساعان كەزدە وتباسىلىق-تۇرمىستىق زورلىق-زومبىلىقتان زارداپ شەككەندەرگە كومەك كورسەتەتىن «جانۇيا» وتباسىن قولداۋ ورتالىعىندا زاڭگەر بولىپ جۇمىس ىستەگەن.
قاراتال اۋداندىق سوتىندا قارالعان قىلمىستىق ءىس بويىنشا ازامات تۇرمىستىق زورلىق-زومبىلىق جاساعانى ءۇشىن كىنالى دەپ تانىلدى. ول كاسىبي قىزمەتى بارىسىندا جابىرلەنۋشىلەردىڭ قۇقىقتارىن قورعاۋعا كومەكتەسكەنىمەن، ءوزىنىڭ جۇبايىنا قاتىستى زاڭعا قايشى ارەكەتتەر جاساعان.
سوت وتىرىسىندا قاراتال اۋدانى پروكۋراتۋراسىنىڭ مەملەكەتتىك ايىپتاۋشىسى ونىڭ كىناسىن تولىق دالەلدەدى.
سوت ۇكىمىمەن وعان 200 ساعات قوعامدىق جۇمىس جازاسى تاعايىندالدى. ۇكىم زاڭدى كۇشىنە ەندى.
جەتىسۋ وبلىسىنىڭ پروكۋراتۋراسى تۇرمىستىق زورلىق-زومبىلىققا جول بەرىلمەيتىنىن ەسكە سالدى. مۇنداي ارەكەتتەر ءۇشىن قازاقستان زاڭناماسىندا جاۋاپكەرشىلىك كوزدەلگەن.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан