جەتىسۋ وبلىسىندا گاز جانە ەنەرگەتيكا ينفراقۇرىلىمىن دامىتۋ بويىنشا جۇيەلى جۇمىس ءجۇرىپ جاتىر. 2026 -جىلى 4 گازداندىرۋ جوباسى ىسكە اسىرىلادى. ناتيجەسىندە 4 اۋىلدىق ەلدى مەكەندەگى قوسىمشا 10 مىڭ ادام تابيعي گازعا قول جەتكىزىپ، گازداندىرۋ دەڭگەيى h,6- عا جەتەدى.
2027 -جىلى 134 مىڭ حالقى بار 9 ەلدى مەكەندى گازبەن قامتۋ جوسپارلانىپ وتىر. سونىڭ ناتيجەسىندە گازداندىرۋ دەڭگەيى ,9- عا دەيىن وسەدى. سونىمەن قاتار «تەكەلى ەنەرگەتيكالىق كەشەنى» ج ش س- ءىن جاڭعىرتۋ جۇمىستارى جۇرگىزىلىپ جاتىر. ۇكىمەت تالدىقورعان قالاسىنداعى جىلۋمەن جابدىقتاۋ نىساندارىنىڭ قۇرىلىسىن اياقتاۋعا قاراجات ءبولدى. قارجىلاندىرۋ قالانىڭ جاڭا وڭتۇستىك- باتىس تۇرعىن اۋدانىندا قازاندىق پەن جىلۋ جەلىلەرىن سالۋ جوبالارىن اياقتاۋعا باعىتتالعان. جوبالاردى ىسكە اسىرۋ بولاشاق، كوكتەم، بىرلىك جانە قۇلاگەر شاعىناۋداندارىنداعى جاڭا تۇرعىن ۇيلەر مەن الەۋمەتتىك نىسانداردى تۇراقتى جىلۋمەن قامتاماسىز ەتۋگە مۇمكىندىك بەرەدى.
قىركۇيەك ايىندا قۋاتى 49 گ كال/ساع بولاتىن جاڭا قازاندىقتىڭ قۇرىلىسى اياقتالادى. سونداي-اق كۇزدە وڭتۇستىك-باتىس تۇرعىن اۋدانىنىڭ جىلۋ جەلىلەرىن سالۋ جوباسى تولىق اياقتالادى. بۇل قازاندىقتىڭ تولىققاندى جۇمىس ىستەۋىنە قاجەتتى ينفراقۇرىلىمدى قامتاماسىز ەتەدى. ناتيجەسىندە جاڭا شاعىناۋداندارداعى 20 مىڭ تۇرعىن سەنىمدى جىلۋمەن قامتىلادى.
كەزدەسۋ بارىسىندا تۇرعىندار ءوڭىردى گازداندىرۋ، سۇيىتىلعان مۇناي گازىمەن جانە كومىرمەن قامتاماسىز ەتۋ ماسەلەلەرى بويىنشا وزەكتى سۇراقتارىن قويدى. ۆيتسە- مينيستر قايىرحان تۇتقىشبايەۆ بارلىق ساۋالدارعا جان-جاقتى جاۋاپ بەردى. بارلىق كوتەرىلگەن ماسەلەلەر باقىلاۋعا الىندى.
وسىعان دەيىن ۇكىمەتتىڭ گاز حيمياسى سالاسىنداعى حالىقارالىق سەرىكتەستىكتى كۇشەيتەتىنى تۋرالى جازدىق.