پەداگوگتىڭ ايتۋىنشا، مەكتەپ باسشىلىعى ونىڭ كاسىبي قىزمەتىنە كەدەرگى كەلتىرىپ، جۇمىس ىستەۋىنە قولايسىز جاعداي جاساعان.
- زاڭناماعا سايكەس، مەنىڭ قۇقىقتارىم بۇزىلدى. مەندە مەكتەپتەگى زاڭبۇزۋشىلىقتاردى دالەلدەيتىن بارلىق ايعاقتار مەن جازبالار بار، - دەدى ول.
ۇندەۋدە سونداي- اق مۇعالىمنىڭ اۋىر ەموتسيونالدىق جاعدايدا ەكەنى ايتىلعان. ول سۋيتسيدكە ارەكەت جاساعانىن حابارلاپ، قۇزىرلى ورگانداردان ەڭ قاتاڭ شارالار قابىلداۋدى سۇراعان.
ۇندەۋ جاريالانعاننان كەيىن بىردەن تەكسەرىس جۇرگىزىلدى.
جەتىسۋ وبلىستىق ءبىلىم باسقارماسىنىڭ مالىمەتىنشە، اتالعان فاكتى بويىنشا ۋاكىلەتتى ورگانداردىڭ قاتىسۋىمەن ءتيىستى شارالار ۇيىمداستىرىلعان.
- گەوگرافيا ءپانى مۇعالىمىنىڭ قۇقىقتارىن قورعاۋ ماقساتىندا تەكسەرىس جۇرگىزىلدى. ناتيجەسىندە وسى مەكتەپتىڭ ديرەكتورىنا، پەداگوگ- پسيحولوگقا، الەۋمەتتىك پەداگوگقا جانە سىنىپ جەتەكشىسىنە قاتاڭ سوگىس جاريالاندى. سونىمەن قاتار، تاربيە ءىسى جونىندەگى ديرەكتوردىڭ ورىنباسارى اتقارىپ وتىرعان قىزمەتىنەن بوساتىلدى، - دەدى ءبىلىم باسقارماسى باسشىسىنىڭ ورىنباسارى قايرات قاسىموۆ.
سونىمەن قاتار، قۇزىرلى ورگانداردىڭ مالىمەتىنشە، تەرگەۋ ارەكەتتەرى جۇرگىزىلگەن.
- پوليتسيا ءتيىستى تەكسەرۋلەر جۇرگىزدى. ساراپتاما قورىتىندىلارى بويىنشا سۋيتسيد ارەكەتى راستالمادى، - دەپ حابارلادى ۆەدومستۆو.
ءبىلىم باسقارماسىندا بۇل باعىتتاعى جۇمىس جالعاسىپ جاتقانىن اتاپ ءوتتى.
- مەكتەپتەگى ءبىلىم ساپاسىن ارتتىرۋ ءۇشىن ارنايى كوميسسيا قۇرىلدى. قازىرگى ۋاقىتتا قوسىمشا تەكسەرۋ شارالارى جۇرگىزىلۋدە، ونىڭ قورىتىندىسى بويىنشا ءتيىستى شەشىمدەر قابىلدانادى، - دەپ تولىقتىردى ۆەدومستۆو.
بۇعان دەيىن تالدىقورعاندا 11-سىنىپ تۇلەكتەرىنىڭ ءبىتىرۋ كەشىنە قاتىستى مۇمكىن بولاتىن اقشا جيناۋ ماسەلەسى كوتەرىلگەنى حابارلانعان ەدى - اتا-انالار ءبىر وتباسىدان 250 مىڭ تەڭگەگە دەيىن سۇرالعانىن ايتقان.
بۇعان دەيىن پەداگوگتەر بالالاردىڭ ءومىرى مەن دەنساۋلىعى ءۇشىن تەك وقۋ-تاربيە پروتسەسى كەزىندە جاۋاپتى بولاتىنىن جازدىق.