جەتىسۋ وبلىسىندا يمامدار جاپپاي اتتەستاتسيادان ءوتىپ جاتىر
تالدىقورعان. KAZINFORM - اتتەستاتتاۋ يمامداردىڭ ءبىلىم دەڭگەيىن انىقتاپ، بىلىكتىلىگىن ارتتىرۋ ماقساتىندا ءوتتى. وعان 27 ازامات قاتىستى.
ەندى ناتيجەسى شىققان جاعدايدا يمامى جوق مەشىتتەرگە قىزمەتكە جىبەرىلەدى.
ايتا كەتەيىك، وڭىردەگى 12 اۋىلدىق مەشىتتە يمام جوق. سوندىقتان، نۇر-مۇباراك ۋنيۆەرسيتەتىن جانە مەدرەسە بىتىرگەن تۇلەكتەردى جۇمىسپەن قامتۋ كوزدەلىپ وتىر.
سونداي اق، بىلىكتى يمامدار كورپۋسىن قالىپتاستىرۋ ماقساتىندا ءدىن ىستەرى باسقارماسىنىڭ تاپسىرىسىمەن شىلدە ايىندا ءىلياس جانسۇگىروۆ اتىنداعى جەتىسۋ ۋنيۆەرسيتەتى بازاسىندا يمامداردى وقىتۋ كۋرسى باستالدى.
بۇعان دەيىن قوستاناي وبلىسىنىڭ باس يمامى ماس بولىپ كولىك جۇرگىزگەنى ءۇشىن 15 تاۋلىككە قامالعانىن حابارلاعان ەدىك.
قازاقستان مۇسىلماندارىنىڭ ءدىني باسقارماسى ماس كۇيىندە ۇستالعان قوستاناي يمامىن جۇمىستان شىعارىپ، ەلدەن كەشىرىم سۇرادى.
اۆتور
ديانا تۇرلىبەك