جەتىسۋ وبلىسىندا ت ج م قىزمەتكەرلەرى 25 بالىقشىنى قۇتقاردى
تالدىقورعان. KAZINFORM - الاكول اۋدانىندا مۇز ۇستىنە شىعىپ كەتىپ، جاعا جەتە الماي قالعان 25 بالىقشى قۇتقارىلدى. بۇل تۋرالى توتەنشە جاعدايلار مينيسترلىگىنىڭ باسپا ءسوز قىزمەتى مالىمدەدى.
- الاكول كولىندە اقشي اۋىلى مەن كوكتۇما اۋىلى اراسىندا مۇز جارىلىپ، 25 بالىقشى جاعاعا جەتە الماعان. وقيعا ورنىنا جەدەل جەتكەن قۇتقارۋشىلار قايىقپەن ولاردى جاعاعا جەتكىزدى. قۇتقارىلعاندارعا مەديتسينالىق كومەك قاجەت بولعان جوق، - دەلىنگەن حابارلامادا.
ت ج م قاتپاعان مۇز ۇستىنە شىعۋدىڭ ادام ءومىرى ءۇشىن وتە قاۋىپتى ەكەنىن، قىس مەزگىلىندە كول بەتىنە شىققاندا قاۋىپسىزدىك شارالارىن قاتاڭ ساقتاۋدى ەسكەرتەدى.
ەسكە سالايىق وسىعان دەيىن جەتىسۋ وبلىسىندا قۇتقارۋشىلار 13 ادامدى قار قۇرساۋىنان شىعارعانىن جانە الاكولدىك قورىقشىلار مۇز ۇستىندە جۇرە الماي قالعان ەلىكتى قۇتقارعانىن جازعانبىز.
اۆتور
ايبەك قۇتتىبەك