جەتىسۋ وبلىسىندا قاريانىڭ تەرەزەسىن سىندىرعان كۇدىكتىلەر ىزدەستىرىلىپ جاتىر
تالدىقورعان. KAZINFORM - جەتىسۋ وبلىسىنىڭ پوليتسياسى بۇل فاكت بويىنشا اكىمشىلىك ءىس قوزعادى.
الەۋمەتتىك جەلىدە جالعىز تۇراتىن اق جاۋلىقتى اجەنىڭ ۇيىنە بەلگىسىز ادامنىڭ كەلىپ، 5 تەرەزەسىن سىندىرىپ كەتكەنى تۋرالى بەينەجازبا تارادى.
جەتىسۋ وبلىسىنىڭ پوليتسيا دەپارتامەنتىنىڭ مالىمەتىنشە، بۇل وقيعا 29-ناۋرىز كۇنى بولعان. قازىر كۇدىكتىلەر ىزدەستىرىلىپ جاتىر.
- قاراتال اۋداندىق پوليتسيا قىزمەتكەرلەرى ۇشتوبە قالاسىندا مۇلىكتى ءبۇلدىرۋ فاكتىسى بويىنشا اكىمشىلىك ءىس تىركەلدى. قازىرگى ۋاقىتتا تەكسەرۋ جۇرگىزىلىپ، قۇقىق بۇزۋشىلاردى انىقتاۋ جانە ۇستاۋ بويىنشا شارالار قابىلدانىپ جاتىر. ءىس وبلىستىق دەپارتامەنت باسشىلىعىنىڭ باقىلاۋىندا. قۇرمەتتى جەتىسۋ وبلىسىنىڭ تۇرعىندارى، بولعان وقيعا تۋرالى ۋاقىتىلى حابارلاۋىڭىزدى سۇرايمىز، جەدەل ارەكەت ەتۋ قۇقىق بۇزۋشىلىقتاردى دەر كەزىندە اشۋعا كومەكتەسەدى - دەپ حابارلادى دەپارتامەنتتەن.
اۆتور
دوسبول اتاجان