وبلىستىق پروكۋراتۋرانىڭ مالىمەتىنشە، ول كاسىپكەردىڭ كوممەرتسيالىق قىزمەتىندە انىقتالعان زاڭبۇزۋشىلىقتار تۋرالى اقپاراتتى جاريا ەتپەۋ ءۇشىن 16 ميلليون تەڭگە تۇراتىن پاتەردى تالاپ ەتكەن.
پوليسيا قىزمەتكەرلەرى كۇدىكتىنى پاتەر قۇجاتتارىن الۋ كەزىندە قىلمىستىق ارەكەتتىڭ جولىن كەسكەن.
سوت سوتتالۋشىنى ق ك- ءنىڭ 194-بابى (بوپسالاۋ) بويىنشا كىنالى دەپ تانىپ، وعان 8 جىل باسبوستاندىعىنان ايىرۋ جازاسىن تاعايىندادى.
ۇكىم زاڭدى كۇشىنە ەندى.
- جەتىسۋ وبلىسىنىڭ پروكۋراتۋراسى ازاماتتار مەن كاسىپكەرلەردى بوپسالاۋ فاكتىلەرى تۋرالى قۇقىق قورعاۋ ورگاندارىنا دەرەۋ حابارلاۋعا شاقىرادى، - دەلىنگەن حابارلامادا.