استانا. KAZINFORM - اقسۋ اۋدانىنداعى الماتى- وسكەمەن تاس جولىنىڭ 336-شاقىرىمىندا جول اپاتى بولىپ، سالدارىنان ءتورت ادام قازا تاپتى. بۇل تۋرالى وبلىستىق پوليتسيا دەپارتامەنتى حابارلادى.
الدىن الا بولجام بويىنشا Lada Priora جۇرگىزۋشىسى قارسى جولاققا شىعىپ كەتىپ، Toyota Windom كولىگىمەن سوقتىعىسقان.
وقيعا سالدارىنان Lada Priora جۇرگىزۋشىسى، ونىڭ ەكى جولاۋشىسى، سونداي-اق Toyota Windom كولىگىنىڭ ءبىر جولاۋشىسى قازا تاپتى. زارداپ شەككەن بەس ادام اۋداندىق اۋرۋحاناعا جەتكىزىلدى. وقيعانىڭ ءمان-جايى، قازا تاپقاندار مەن زارداپ شەككەندەردىڭ جەكە تۇلعاسى انىقتالىپ جاتىر.
وقيعاعا قاتىستى قىلمىستىق ءىس قوزعالىپ، قاجەتتى ساراپتاما تاعايىندالدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.