جەتىسۋ وبلىسىنىڭ پروكۋرورلارى تالدىقورعان قالاسىندا 2 كوپقاباتتى تۇرعىن ءۇي سالۋ كەزىندە بيۋدجەت قاراجاتىن جىمقىرعان كىنالى تۇلعالارعا قاتىستى ءادىل ۇكىمگە قول جەتكىزدى، دەپ حابارلايدى Kazinform وبلىستىق پروكۋراتۋرانىڭ باسپا ءسوز قىزمەتىنە سىلتەمە جاساپ.
قىلمىستىق تەرگەۋدى ارنايى پروكۋرورلار باستاپ، جۇرگىزدى.
تالدىقورعان قالاسىنىڭ قۇرىلىس ءبولىمىنىڭ لاۋازىمدى تۇلعاسى مەردىگەرمەن الدىن الا ءسوز بايلاسا وتىرىپ، 250 ميلليون تەڭگەدەن استام سوماعا اتقارىلعان جۇمىس تۋرالى جالعان اكتىلەرگە قول قويۋ ارقىلى اسا ءىرى مولشەردە ۇرلىق جاساعانى انىقتالدى.
سوت ۇكىمىمەن ايىپتالۋشى ءۇش تۇلعا، ونىڭ ىشىندە اكىمدىك قىزمەتكەر قىلمىستىق كودەكستىڭ 2-تارماعىنىڭ 189-بابى 4-بولىگى بويىنشا كىنالى دەپ تانىلىپ، 7-جىلعا باس بوستاندىعىنان ايىرىلدى.
ۇكىم زاڭدى كۇشىنە ەنگەن جوق.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.