ەلىمىزدە بيىلعى قاڭتار مەن قىركۇيەك ايىندا ارالىعىندا شەتەلدىك اۆتوكولىكتەردى زاڭداستىرۋ جۇرگىزىلگەنى بەلگىلى. وسى كەزەڭدە جەتىسۋ وبلىسى اۋماعىندا E-gov پورتالى ارقىلى 3179 ءوتىنىش تۇسكەن. الايدا وڭىردە ءالى دە شەتەلدىك قۇجاتپەن جۇرگەن 1 مىڭنان استام اۆتوكولىك بار، دەپ حابارلايدى Kazinform.
وبلىستاعى ەلەكتروندىق وتىنىمدەر بويىنشا رۇقسات بەرىلگەن 2 مىڭعا جۋىق كولىك اگرەگاتتىق تەكسەرۋ جانە سالىستىرۋدان ءوتىپ، ونىڭ ىشىندە 1974 اۆتوموبيل تىركەلگەن.
«ءوڭىر جولدارىندا جۇرگەن شەت ەلدىك كولىك قۇرالىنىڭ ىشىندە 427 اۆتو ۋاقىتشا تىركەۋدە. مالىمەت بويىنشا ارمەنيا - 46، رەسەي - 423، قىرعىزستان - 507، بەلارۋس - 1، گرۋزيا - 1، كورەيا - 1، دۋباي - 3، موڭعوليا - 1، امەريكا - 1، سونداي-اق، پايدالانۋ قۇقىعىنا بەرىلگەن سارى ءنومىرى بار 37 اۆتوكولىك تىركەۋگە قويىلدى. سونىمەن قاتار وسى جىلدىڭ مامىر ايىنان باستاپ 486-عا جۋىق اۆتوكونسترۋكتور كولىكتەرىن زاڭداستىرۋ دا جۇزەگە اسۋدا»، - دەيدى جەتىسۋ وبلىسى پوليتسيا دەپارتامەنتى باسشىسىنىڭ ءبىرىنشى ورىنباسارى جاسۇلان بايكەنوۆ.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан