بۇل ماقساتقا بيۋدجەتتەن 5,5 ميلليارد تەڭگەگە جۇمسالىپ، 13 گەكتار جەر تەلىمى بولىنەدى. جازعى دەمالىس ماۋسىمىندا عانا جۇمىس ىستەيتىن اۋەجاي الماتى مەن استانادان رەيستار قابىلدايدى. ال تالدىقورعانداعى اۋەجايعا تەك استانادان كەلەتىن ۇشاقتار قونادى. ەندى سالاعا جاۋاپتىلار جولداۋدا ايتىلعان ينفراقۇرىلىمدى دامىتۋ تاپسىرماسىنا سايكەس اۋە قاتىناسىن ءارتاراپتاندىرۋدى جوسپارلاپ وتىر.
ەرسىن يبراشيەۆ، وبلىستىق تۋريزم باسقارماسىنىڭ باسشىسى:
- بيىل وڭىردەگى تۋريستىك نىساندارعا تۇسەتىن جۇكتەمە 2 ميلليون 300 مىڭ ادامعا جەتتى. تىنىعۋشىلاردىڭ كوبى الماتى قالاسى ارقىلى كەلدى. جەتىسۋ وبلىسىنىڭ تابيعاتى كوركەم. تاريحي ورىندارى دا كوپ. تۋريستەردىڭ سانىن ارتتىرۋعا قىزمەت كورسەتىپ جاتقان اۋە كومپانيالاردىڭ الەۋەتى جەتە بەرمەيدى. سوندىقتان ءبىز ۇشاقپەن جولاۋشى تاسىمالدايتىن باسقا دا مەكەمەلەرمەن مەموراندۋمعا قول قويدىق. جاڭا باعىتتاردى اشىپ، قولجەتىمدى ەتۋ ماقساتىندا جۇمىس ىستەپ جاتىرمىز.