جەتىسۋ وبلىسىندا قىتايعا التىن الىپ وتپەك بولعان ادام ۇستالدى

استانا. قازاقپارات - جەتىسۋ وبلىسىندا قىتايعا 488 ميلليون تەڭگە تۇراتىن التىندى زاڭسىز الىپ وتپەك بولعان ەر ادامنىڭ ارەكەتى اشكەرەلەندى. ول كەدەندىك باقىلاۋدان جاسىرۋ ءۇشىن التىن قۇيمالارىن جابىسقاق تاسپامەن دەنەسىنە بەكىتىپ العان.

Фото: Сурет ЖИ көмегімен жасалған

بۇل تۋرالى وبلىستىق پروكۋراتۋرا مالىمدەدى، دەپ حابارلايدى «24KZ».

 پروكۋراتۋرانىڭ مالىمەتىنشە، الماتى قالاسىنىڭ تۇرعىنى «قورعاس» شەكارا ماڭى حالىقارالىق ىنتىماقتاستىق ورتالىعى ارقىلى اسا ءىرى مولشەردەگى باعالى مەتالدى زاڭسىز وتكىزبەك بولعان. الايدا كەدەندىك تەكسەرۋ كەزىندە كونتراباندالىق تاۋار انىقتالىپ، تاركىلەندى. سوتتا مەملەكەتتىك ايىپتاۋشى ەر ادامنىڭ ەكونوميكالىق كونترابانداعا وقتالۋ بويىنشا كىناسىن دالەلدەدى.

 پانفيلوۆ اۋداندىق سوتىنىڭ ۇكىمىمەن سوتتالۋشى كىنالى دەپ تانىلدى. جالپى سالماعى 5 كەلى 764 گرام بولاتىن، قۇنى 488 ميلليون تەڭگەگە باعالانعان التىن مەملەكەت كىرىسىنە اينالدىرىلدى.