جەتى جىل جازىلعان رومان ۇزدىك دەپ تانىلدى
الماتى. KAZINFORM - ەلىمىزدە ءۇشىنشى رەت ۇيىمداستىرىلعان قازاقستان تۋرالى ۇزدىك رومان بايقاۋىنىڭ يەگەرى انىقتالدى.
Mecenat.kz بايقاۋىنىڭ جەڭىمپازى - «ءومىر بايتەرەگى» رومانىن جازعان بەلگىلى جازۋشى، قازاقستاننىڭ ەڭبەك سىڭىرگەن قايراتكەرى، «الاش» ادەبي سىيلىعىنىڭ لاۋرەاتى ساۋلە دوسجان.
تۋىندى كونكۋرستا كوپشىلىكتىڭ داۋسىمەن ۇزدىك دەپ تانىلدى.
اۆتوردىڭ ءوزى روماننىڭ جەتى جىل جازىلعانىن ايتتى.
«ەرەكشە ادەبي بايقاۋىنىڭ جەڭىمپازى اتانعانىما قۋانىشتىمىن. «ءومىر بايتەرەگى» رومانىن جەتى جىل بويى جازدىم. ۇلتتىق كودىمىزدى، قان تازالىعىن، الەمدە قازاقتا عانا بار «جەتى اتا» شەجىرەسىنىڭ دالا ءتولقۇجاتى ەكەنىن دالەلدەپ، جاستارعا ءتۇسىندىرۋ ءۇشىن ءار تاراۋدى جەتى قايتارا وقىپ شىقتىم. ايتا كەتەيىن، بۇل مەنىڭ جەتىنشى رومانىم»، - دەدى ساۋلە دوسجان.
ادەبي سىيلىقتىڭ يەگەرى ەندى ءومىر بويى اي سايىن 500 دوللار سىياقى الىپ وتىرادى.
جوبا مۇشەسى الىشەر راحاتتىڭ ايتۋىنشا، بيىل اتالمىش كونكۋرسقا 40 رومان ۇسىنىلعان.
«بايقاۋعا بارلىعى 40 رومان تىركەلگەن. ونىڭ 17 ءسى قازاق تىلىندە، 23 ءى ورىس تىلىندە، ءبىر تۋىندى الىس شەتەلدەن ءتۇستى. اۆتورلاردىڭ اراسىندا 10 كاسىبي جازۋشى بولدى.