استانا. KAZINFORM - استانادا بالىقشىلار مۇز استىنا ءتۇسىپ كەتكەن 7 جاسار بالانى قۇتقاردى. پوليتسيانىڭ مالىمەتىنشە، 102 گە ەسىل وزەنىنىڭ جاعاسىندا بالىقشىلار كامەلەتكە تولماعان بالانى سۋدان الىپ شىققان تۋرالى حابار كەلىپ تۇسكەن. شاقىرتۋ بويىنشا سول جەرگە اۆتوپاترۋل جىبەرىلدى.
7 جاسار بالا تۇسكى استان كەيىن دوسىمەن بىرگە جاعالاۋدا سەرۋەندەۋگە شىققانى انىقتالدى. ويناپ ءجۇرىپ بالالار مۇزعا شىعىپ كەتكەن. ءبىر كەزدە مۇز جارىلىپ، بالالاردىڭ ءبىرى سۋعا ءتۇسىپ كەتكەن. ەكىنشى بالا جاقىن جەردە بالىقشىلاردى كورىپ، جۇگىرىپ بارىپ كومەك سۇراعان.
بالىقشىلار بىردەن سۋعا باتىپ بارا جاتقان بالاعا كومەككە بارادى. ولار بالانى سۋدان شىعارىپ ۇلگەرىپ، جەدەل جاردەم بريگاداسىن شاقىرعان. قازىرگى ۋاقىتتا بالانىڭ دەنساۋلىعى جاقسى، - دەلىنگەن استانا قالاسىنىڭ پوليتسيا دەپارتامەنتى تاراتقان حابارلامادا.
استانا قالاسىنىڭ پوليتسيا دەپارتامەنتىندە بالىقشى ابدۋجاپبار ابدۋرايىموۆقا قول ساعاتىن سىيعا تارتقان. دوسىن قۇتقارعان 7 جاسار دارحان پۋسكە گراموتا بەرىلدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан