استانا. KAZINFORM - بۇگىن اقمولا، اباي، الماتى، پاۆلودار، قاراعاندى، جەتىسۋ، سولتۇستىك قازاقستان جانە شىعىس قازاقستان وبلىستارىندا جاڭبىر ارالاس قار جاۋىپ، كەي جەرلەردە قار كۇتىلەدى، دەپ حابارلايدى قازاۆتوجول مەكەمەسى.
وسىعان بايلانىستى رەسپۋبليكالىق اۆتوجولداردىڭ جەكەلەگەن بولىكتەرىندە كورىنۋ قاشىقتىعى تومەندەپ، جول بەتى تايعاق بولۋى مۇمكىن.
- جۇرگىزۋشىلەرگە اۋا رايىن ەسكەرىپ، قاۋىپسىز اراقاشىقتىقتى ساقتاۋدى، جول جاعدايىنا قاراي جىلدامدىقتى تاڭداۋدى جانە وقىس مانيەۆر جاساماۋدى ۇسىنامىز،- دەلىنگەن قازاۆتوجول مەكەمەسى تاراتقان حابارلامادا.
ايتا كەتەيىك، وسىعان دەيىن قازگيدرومەت 22-قازاندا ەلدىڭ بىرنەشە وڭىردە كۇن كۇرت بۇزىلاتىنىن ەسكەرتكەن بولاتىن.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.