جۇرگىزۋشى كۋالىگىن الۋ ەرەجەلەرى وزگەردى

استانا. قازاقپارات - eGov.kz پورتالىن پايدالانۋشىلار ەندى جۇرگىزۋشى كۋالىگىن جارامدىلىق مەرزىمى اياقتالعان، جوعالعان نەمەسە ۇرلانعان كەزدە عانا ەمەس، سونداي-اق تەگى، اتى جانە اكەسىنىڭ اتى وزگەرگەن كەزدە دە الا الادى، دەپ حابارلايدى Baq. kz.

ەندى جۇرگىزۋشى كۋالىكتەرىن اۋىستىرعان كەزدە پايدالانۋشىلار بۇرىن الىنعان جەكە كۋالىگى مەن پاسپورتىنان (3 جىلدان اسپايتىن قۇجاتتار) ءوز فوتوسىن ورناتۋ مۇمكىندىگى پايدا بولدى. باستى شارتى فوتوسۋرەتى پايدالانىلاتىن قۇجات 3 جىلدان ارتىق بولماۋى كەرەك.

بۇدان باسقا ازاماتتارعا ىڭعايلى بولۋ ءۇشىن دايىن قۇجاتتاردى الۋعا بولاتىن ح ق ك و بولىمشەلەرىنىڭ ءتىزىمى كەڭەيتىلدى. ەندى جۇرگىزۋشى كۋالىگىن تەك مامانداندىرىلعان ح ق ك و-دا عانا المايسىز. ونلاين- سۇراۋ سالۋ كەزىندە جۇرگىزۋشى كۋالىگىن قايتا شىعارۋ 60 مينۋتتى، ارنايى ح ق ك و بولىمشەلەرىندە - 120 مينۋتتى الادى.

قىزمەتتى ءۇش رەت باسىپ الۋعا بولادى:

- eGov.kz پورتالىندا اۆتوريزاتسيا جاساڭىز جانە «كولىك جانە كوممۋنيكاتسيا» بولىمىنە ءوتىڭىز؛

- قىزمەتتەر تىزىمىنەن «جۇرگىزۋشى كۋالىگىن الۋ» تارماعىن تاڭداڭىز جانە بارلىق قاجەتتى ورىستەردى تولتىرىڭىز؛

- ە س ق كومەگىمەن قىزمەتكە قول قويىڭىز.

قىزمەت ناتيجەسىمەن جەكە كابينەتتە تانىسۋعا بولادى. پايدالانۋشىعا حابارلاما قىزمەتتى الۋ تاسىلىنە قاراي (ونلاين نەمەسە وفلاين) 60 نەمەسە 120 مينۋتتىڭ ىشىندە كەلەدى.

قىزمەتتىڭ جاڭا فۋنكتسيونالى ىشكى ىستەر مينيسترلىگى، ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەملەكەتتىك قىزمەتتەر كوميتەتىنىڭ جانە «ۇلتتىق اقپاراتتىق تەحنولوگيالار» اق بىرلەسكەن جۇمىسىنىڭ ارقاسىندا ىسكە قوسىلدى.