— قازىرگى ۋاقىتتا جۇرگىزۋشى كۋالىگىن الۋ ءۇشىن ەمتيحاندارعا جازىلۋ «ЦОН» موبيلدى قوسىمشاسى ارقىلى ونلاين-رەجيمدە جۇزەگە اسىرىلادى. اتالعان مەحانيزمنىڭ قولجەتىمدىلىگىن ارتتىرۋ ماقساتىندا وسى سەرۆيستى eGov جانە eGov Mobile-عا قوسىمشا شىعارۋ ماسەلەسى پىسىقتالىپ جاتىر، —- دەدى ۆيسە- پرەمەر.
ونىڭ اتاپ وتۋىنشە، جاساندى ينتەللەكت جانە پروكتورينگ تەحنولوگيالارىن قولدانا وتىرىپ، تەوريالىق ەمتيحانداردى قاشىقتىقتان تاپسىرۋدى ەنگىزۋ ماقساتىندا جۇرگىزىلىپ جاتقان جۇمىس اياسىندا تەوريالىق ەمتيحاندى تاپسىرۋدىڭ كۇندىزگى فورماتىن تاڭداعاندا عانا الدىن الا جازىلۋ قاجەت بولادى. قاشىقتىق فورماتىندا ەمتيحان تاپسىرعاندا ورىن سانىنا شەكتەۋ بولمايدى جانە ىڭعايلى ۋاقىتتا تاپسىرۋعا مۇمكىندىك بار.
— بۇل شارالار ازاماتتاردىڭ ەمتيحاندارعا جازىلۋعا تەڭ قولجەتىمدىلىگىن، بوس ورىنداردى ءبولۋدىڭ اشىقتىعىن قامتاماسىز ەتۋگە جانە دەلدالدىق قىزمەت تاۋەكەلدەرىن بارىنشا ازايتۋعا باعىتتالعان، — دەدى جاسلان ماديەۆ.