بۇل تۋرالى قۇرىلتاي دەپۋتاتتارىنىڭ ساۋالىنا پرەمەر-ءمينيستردىڭ ورىنباسارى - جاساندى ينتەللەكت جانە سيفرلىق دامۋ ءمينيسترى جاسلان ماديەۆتىڭ جاۋابىندا ايتىلعان.
ونىڭ مالىمەتىنشە. تەوريالىق ەمتيحانداردى قابىلداۋ ءۇشىن مەملەكەتتىك قىزمەت ىستەرى اگەنتتىگىنىڭ اۋماقتىق بولىمشەلەرى بازاسىن قولدانۋعا مۇمكىندىك جوق. ويتكەنى، ول الاڭدار وزگە ەمتيحاندار قابىلداۋعا ارنالماعان. ال ۇلتتىق تەستىلەۋ ورتالىعىنىڭ الاڭىندا تەوريالىق ەمتيحان قابىلداۋعا مۇمكىندىك بار.
قازىرگى ۋاقىتتا استانادا اتالعان ورتالىقتىڭ الاڭدارىن پيلوتتىق رەجيمدە پايدالانۋعا ۋاعالاستىق جاسالعان. تەحنيكالىق دايىندىق اياقتالىپ، ءتيىستى بىرلەسكەن بۇيرىققا قول قويىلعان. جوبا وسى ايدا ىسكە اسىرىلىپ، ودان كەيىن ايماقتارعا كەڭەيتىلەدى.
- سونىمەن بىرگە، جاساندى ينتەللەكت جانە پروكتورينگ تەحنولوگيالارىن قولدانا وتىرىپ تەوريالىق ەمتيحانداردى قاشىقتان تاپسىرۋدى ەنگىزۋ پىسىقتالىپ جاتىر. بۇل مامانداندىرىلعان ح ق و- عا جۇكتەمەنى ازايتۋعا مۇمكىندىك بەرەدى، - دەدى جاسلان ماديەۆ.
ايتا كەتەيىك، بيىل الماتى جانە قاراعاندى قالالارىندا جاڭا اۆتودرومدار اشىلادى.