ىشكى ىستەر مينيسترلىگى كولىكتى تىركەۋ جانە جۇرگىزۋشى كۋالىگىنە ەمتيحان تاپسىرۋ قاعيدالارىنا وزگەرىستەر ازىرلەدى.
ماقسات — مەملەكەتتىك قىزمەتتەردى الۋدى جەڭىل ءارى جىلدام ەتۋ. ارتىق راسىمدەر الىنىپ تاستالدى.
— كولىكتى قايتا جابدىقتاعاننان كەيىن ونى بولەك قاراتۋدىڭ قاجەتى جوق. ەنگىزىلگەن وزگەرىستىڭ قاۋىپسىز ەكەنىن راستايتىن قۇجات بولسا جەتكىلىكتى. ەمتيحاندى ءبىرىنشى رەت تاپسىرا الماساڭىز، كەلەسى جۇمىس كۇنى قايتا تاپسىرۋعا بولادى.
ەكىنشى رەت تە ءساتسىز بولسا، دايىندالۋعا 10 كۇن بەرىلەدى. تەوريالىق نەمەسە پراكتيكالىق ەمتيحاننان ءۇش رەت وتە الماساڭىز، سول ەمتيحاندى كەيىن قايتا تاپسىرۋ اقىلى بولادى. بۇل شارا ەمتيحانعا قوسىمشا دايىندالۋ ءۇشىن ەنگىزىلىپ وتىر، - دەدى اقتوتى بورانوۆا.
سونىمەن قاتار تەوريالىق ەمتيحاندى تاپسىرىپ، پراكتيكالىق ەمتيحاننان وتە الماساڭىز، تەوريادان العان ناتيجە ساقتالادى.
— شەتەلدىك جۇرگىزۋشى كۋالىگىن قازاقستان كۋالىگىنە اۋىستىرۋ ءۇشىن الدىمەن تەوريالىق ەمتيحاندى تاپسىرۋ قاجەت. بۇدان بولەك، جول قاۋىپسىزدىگىنە جاۋاپتى ۋاكىلەتتى ورگان كۋالىكتى بەرگەن ەلگە رەسمي سۇراۋ جىبەرەدى. ول ەلدىڭ قۇزىرەتتى ورگانى كۋالىكتىڭ ءتۇپنۇسقا ەكەنىن راستاعاننان كەيىن عانا كۋالىك اۋىستىرىلادى. بۇل — جالعان قۇجاتتاردان قورعاۋ شارالارى. ءوزىڭىزدى جانە جاقىندارىڭىزدى ساقتاڭىز! — دەدى ىشكى ىستەر مينيسترلىگى اكىمشىلىك پوليتسيا كوميتەتى باسقارما باستىعىنىڭ ورىنباسارى اقتوتى بورانوۆا.
ايتا كەتەلىك جول ەرەجەسىن ورەسكەل بۇزاتىندار جۇرگىزۋشى كۋالىگىنەن 1 جىلعا ايىرىلۋى مۇمكىن ەكەندىگىن جازعان ەدىك.