جاڭا تالاپتار راسىمدەردى جەڭىلدەتىپ قانا قويماي، جول قاۋىپسىزدىگى مەن ءتارتىپتى كۇشەيتۋگە باعىتتالعان. وزگەرىستەردى ىشكى ىستەر مينيسترلىگى ءتۇسىندىردى.
ەمتيحاندى قايتا تاپسىرۋ ءتارتىبى قانداي؟
ەمتيحاننان وتە الماي قالعان جاعدايدا تومەندەگى ەرەجەلەر قولدانىلادى:
ءبىرىنشى ساتسىزدىكتەن كەيىن كەلەسى جۇمىس كۇنى-اق قايتا تاپسىرۋعا بولادى؛
ەكىنشى ساتسىزدىكتەن كەيىن كەلەسى ەمتيحانعا دەيىن 10 كۇن كۇتۋ كەرەك؛
العاشقى ءۇش ارەكەت تەگىن، تورتىنشىدەن باستاپ ءار قايتا تاپسىرۋ اقىلى بولادى؛
ارەكەتتىڭ جالپى سانىنا شەك قويىلمايدى.
تەوريالىق ەمتيحاننان ءساتتى وتكەن ادام پراكتيكادان قينالسا، تەوريانى قايتا وقىپ، قايتا تاپسىرۋدىڭ قاجەتى جوق. تەوريا ناتيجەسى ءبىر جىل بويى ساقتالادى.
ماڭىزدى ەسكەرتۋ
ەمتيحان كەزىندە شپارگالكا نەمەسە تەلەفون قولدانعان ادامنىڭ سىناعى دەرەۋ توقتاتىلادى. ال ەمتيحان ناتيجەسىمەن كەلىسپەگەندەر پوليتسيا مەن ح ق ك و وكىلدەرى كىرەتىن ارنايى كوميسسياعا اپەللياتسيالىق شاعىم تۇسىرە الادى.
كولىكتى تىركەۋ كەزىندە قانداي جەڭىلدىكتەر بار؟
اۆتوكولىكتى تىركەۋ جانە راسىمدەۋ ءتارتىبى دە جەڭىلدەتىلدى:
قۇجات تاپسىرۋ كەزىندە قاتە كەتسە نەمەسە ءبىر قاعاز جەتىسپەسە، ءوتىنىشتى باسىنان قايتا تولتىرۋدىڭ قاجەتى جوق، كەمشىلىكتى سول جەردە تۇزەتۋگە بولادى؛
ارنايى مەملەكەتتىك نومىرگە تاپسىرىس ءبىر ساعات ىشىندە ورىندالادى؛
كولىكتىڭ كونسترۋكتسياسىنا وزگەرىس ەنگىزىلگەن بولسا، وزگەرىستىڭ قاۋىپسىزدىگىن راستايتىن كۋالىك قاجەت؛
ءوز قولىمەن جاسالعان تىركەمەنى (پريتسەپ) تىركەۋ ءۇشىن ونىڭ تەحنيكالىق قاۋىپسىزدىك تالاپتارىنا ساي ەكەنىن كورسەتەتىن كۋالىك بولسا جەتكىلىكتى.
جاڭا ءتارتىپ ەمتيحان تاپسىرۋشىلار مەن كولىك يەلەرىنىڭ ۋاقىتىن ۇنەمدەپ، ارتىق قاعازباستىلىقتى ازايتۋعا مۇمكىندىك بەرەدى.