جۇرەككە پايدالى تاعامدار اتالدى

 كالي مەن ماگني جۇرەكتىڭ جۇمىسى ءۇشىن وتە ماڭىزدى. سونىمەن قاتار، ماگني كۇيزەلىستى دە جەڭۋگە كومەكتەسەدى، - دەپ حابارلايدى  ماسساگەت doctorpiter. ru باسىلىمىنا سىلتەمە جاساپ. 

ءار ادامنىڭ كاليگە دەگەن قاجەتتىلىگى ءارتۇرلى. بۇل ادامنىڭ جاسىنا، سالماعىنا، ءومىر سالتىنا، بۇيرەك جۇمىسىنا جانە ءتىپتى تۇراتىن جەرىنە دە بايلانىستى. ءبىراق ونىڭ جەتىسپەۋشىلىگىنىڭ سالدارى - گيپوكاليەميا بارلىعىندا بىردەي بولادى. ول جۇرەككە تىكەلەي اسەر ەتۋى مۇمكىن. ويتكەنى بۇل ميكروەلەمەنتتەر مىنا سەبەپتەرگە بايلانىستى قاجەت:

جۇرەك جۇمىسىن جانە قان قىسىمىن رەتتەۋ؛

اريتميادان قورعاۋ؛

جۇرەكتىڭ جۇمىسىنا اسەر ەتەتىن باسقا ميكروەلەمەنتتەردى سىڭىرۋگە كومەكتەسۋ.

"كالي بالانسىن قالپىنا كەلتىرۋگە ەڭ قولايلى ونىمدەر - كوكونىستەر، جەمىس- جيدەكتەر"، - دەيدى ساراپشىلار.

كاليگە باي مىنا تاعامداردى راتسيونعا ءجيى قوسقان ءجون:

كوك شوپتەر: شپينات، كينزا، قىمىزدىق، اسكوك، اقجەلكەن.

كوكونىستەر.

جەمىستەر. جاسىل الما، بانان، اۆوكادو كاليگە باي.

كەپتىرىلگەن جەمىستەر، ونىڭ ىشىندە ورىك، مەيىز.

ماگنيدىڭ باستى ارتىقشىلىقتارىنىڭ ءبىرى - اعزانى شارشاۋدان ساقتايتىنى. ماگني قانشالىق مولشەردە قاجەت ەكەنى دە ءار ادامنىڭ جىنىسىنا، جاسىنا جانە جالپى دەنساۋلىعىنا بايلانىستى.

ماگنيگە باي مىنا تاعامدار ماگني بالانسىن باقىلاۋدا ۇستاۋعا كومەكتەسەدى:

ءداندى داقىلدار؛

بانان؛

كوكونىستەر؛

بۇرشاق داقىلدارى؛

تەڭىز قىرىققاباتى؛

كاكاو ۇنتاعى؛

قارا شوكولاد؛

تەڭىز بالىقتارى، اسىرەسە، لوسوس تۇقىمداسى.