استانا. قازاقپارات - جاقىندا تۇركيادا تىركەلگەن جەر سىلكىنىسى كەزىندە مەكتەپ عيماراتىنان مۇگەدەك بالانى ارقالاپ شىققان ايەلدىڭ وقيعاسى حالىقتىڭ جۇرەگىن ەلجىرەتتى.
شەتەلدىك باسىلىمدا مالاتيانىڭ كالە اۋدانىندا بولعان 5,9 بالدىق جەر سىلكىنىسى كەزىندە ەمينە نەزيحە پارلاك ەسىمدى مەكتەپ قىزمەتشىسىنىڭ باستاۋىش سىنىپتا وقيتىن مۇگەدەك بالانى ارقالاپ كەلە جاتقانى قاۋىپسىزدىك كامەراسىنا جازىلعانى ايتىلعان.
تۇركيانىڭ بىرنەشە پروۆينسياسىندا بولعان جەر سىلكىنىسى مەكتەپتەردە دۇربەلەڭ تۋدىردى. وقۋشىلارى جەر سىلكىنىسى كەزىندە سىرتقا شىعىپ جاتقاندا ەدەن جۋۋشى بولىپ جۇمىس ىستەيتىن ەمينە نەزيحە پارلاك سول مەكتەپتە وقيتىن مۇگەدەك بالانى عيماراتتان ارقالاپ الىپ شىققان.
ايەلدىڭ جانكەشتىلىگى مەن مەيىرىمى جەلى قولدانۋشىلارىن ءتانتى ەتىپ جاتىر.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан