جەر قويناۋىن پايدالانۋشىلارعا ارنالعان مەملەكەتتىك اقپاراتتىق جۇيە ىسكە قوسىلدى

استانا. قازاقپارات - 1- شىلدەدەن باستاپ قازاقستاندا «جەر قويناۋىن پايدالانۋ جونىندەگى وپەراتسيالاردى جۇرگىزۋ كەزىندە پايدالانىلاتىن تاۋارلار، جۇمىستار جانە كورسەتىلەتىن قىزمەتتەردىڭ جانە ولاردى وندىرۋشىلەردىڭ ءتىزىلىمى» جاڭعىرتىلعان مەملەكەتتىك اقپاراتتىق جۇيەسى ىسكە قوسىلدى.

Tizilim پلاتفورماسى بۇرىنعى reestr.nadloc.kz رەسۋرسىنىڭ ورنىنا قولدانىسقا ەنگىزىلىپ، ساتىپ الۋ جۇيەسىنىڭ ءتيىمدى ءارى ناتيجەلى جۇمىس ىستەۋىن قامتاماسىز ەتەدى.

- Tizilim اقپاراتتىق جۇيەسى نورماتيۆتىك وزگەرىستەرگە سايكەس ازىرلەنىپ، ساتىپ الۋ راسىمدەرىن تاۋارلار، جۇمىستار مەن قىزمەتتەر بويىنشا ءبىرىڭعاي نومەنكلاتۋرالىق انىقتامالىعىنداعى (ت ج ق ب ن) كودتارعا سايكەس جۇزەگە اسىرادى.

جەر قويناۋىن پايدالانۋشىلار مەن ءونىم بەرۋشىلەر ءۇشىن tizilim.gov.kz جۇيەسىندە تىركەلۋ 23- ماۋسىمدا باستالعان. 1- شىلدەگە دەيىن جەر قويناۋىن پايدالانۋشىلار «سامۇرىق- قازىنا كونتراكت» ج ش س- مەن ت ج ق بويىنشا ءبىرىڭعاي نومەنكلاتۋرالىق انىقتامالىقتى (ت ج ق ب ن ا) پايدالانۋ ابونەنتىن الۋ جونىندە شارت جاساسۋى جانە جۇيەگە تىركەلۋ قاجەت بولعان، - دەپ جازدى ونەركاسىپ جانە قۇرىلىس مينيسترلىگىنەن.

ەستەرىڭىزگە سالا كەتەيىك، قولدانىستاعى reestr.nadloc.kz اقپاراتتىق جۇيەسىنىڭ نۇسقاسىندا 1 -شىلدەگە دەيىن جاريالانعان ساتىپ الۋلاردى تاپسىرىس بەرۋشىلەر سول جۇيەدە اياقتايدى.

جۇيەنىڭ جۇمىس ىستەۋىنە قاتىستى بارلىق سۇراقتار بويىنشا قر ونەركاسىپ جانە قۇرىلىس مينيسترلىگىنىڭ 1465 ءبىرىڭعاي بايلانىس ورتالىعىنا حابارلاسۋعا بولادى.

سونىمەن قاتار، وسى مينيسترلىك پەن «QazIndustry» ا ق رەسمي سايتتارىندا Tizilim جۇيەسىنە تىركەلۋ بويىنشا قادامدىق نۇسقاۋلىقتار جاريالانعان.

ايتا كەتەيىك، اباي وبلىسىندا پروكۋراتۋرا جەر قويناۋىن پايدالانۋشىلاردان 100 ميلليون تەڭگە ءوندىرىپ الدى.