جەر جاقسى كوكتەگەن - س ق و- دا بيىل ءشوپ بىلتىرعىدان ەكى ەسە ارزان

پەتروپاۆل. KAZINFORM - سولتۇستىك قازاقستان وبلىسىندا شارۋالار بيىل قالىڭ شىققان ءشوپتى شابا الماي وتىر. كۇنارا جاۋعان جاڭبىر ناۋقانعا قىزۋ كىرىسۋگە مۇرشا بەرمەي جاتىر.

شابىندىق جەرلەردە ءشوپ بەلۋاردان كەلەدى. اقجار اۋدانىنىڭ تۇرعىنى نازىمبەك ەگىنباي ۇلىنىڭ ايتۋىنشا، جاۋىن- شاشىن سالدارىنان اۋىل تۇرعىندارى ىسكە بەل بۋىپ كىرىسە الماي وتىر.

«الدىمەن قوراداعى مالعا قىسقىعا ءشوپ جيناپ، ارتىلعانىن ساتامىز. شاپقان ءشوپ دالادا جاتىر، ءبىراق جيناپ الا الماي وتىرمىز، كۇنارا جاۋىن، كەپپەيدى. بىلتىر قۋاڭشىلىق بولدى، سالماعى شامامەن 300 كەلىلىك ۇلكەن وراما شوپتەردى ورتاشا 15 مىڭ تەڭگەدەن ساتتى. بيىل سۇرانىس از بولاتىن سىڭايلى، ازىرگە ورامالارعا 6-9 مىڭ تەڭگە ارالىعىندا سۇراپ جاتىر»، - دەيدى اۋىل تۇرعىنى.

س ق و اۋىل شارۋاشىلىعى جانە جەر قاتىناستارى باسقارماسىنىڭ مالىمەتىنشە، وڭىرگە مالدىڭ جايلى قىستاپ شىعۋى ءۇشىن 940 مىڭ توننا ءشوپ، 234,6 مىڭ توننا پىشەن، 278,1 مىڭ توننا سۇرلەم، 867 مىڭ توننا سابان جانە 818 مىڭ توننا جەم قاجەت.

ونىڭ ىشىندە تۇرعىنداردىڭ قوراسىنداعى مالىنا 420 مىڭ توننادان استام ءشوپ، سونشا شامادا سابان جانە 277 مىڭ توننا جەم ازىرلەۋ كەرەك.

«جالپى وبلىس بويىنشا 379 مىڭ گا جەرگە مال ازىقتىق داقىلدار ەگىلگەن. كوپجىلدىق ەكپە ءشوپ مال ازىقتىق القاپتاردىڭ R الىپ جاتىر. سوڭعى جەدەل اقپاراتقا ساي وڭىردە 488,3 توننا ءشوپ دايىندالدى. بۇل جوسپارلاعان كولەمنىڭ R تەڭ»، - دەيدى باسقارمانىڭ باسپا ءسوز حاتشىسى اناستاسيا حارلاموۆا.

اۆتور

اقەركە داۋرەنبەك قىزى