جولتاپ جوباسى: استانالىقتاردى وقىتۋ جانە جۇمىسقا ورنالاستىرۋ قالاي جۇرگىزىلەدى

استانا قالاسىنىڭ اكىمى جەڭىس قاسىمبەك Instagram-داعى پاراقشاسىندا «JOLTAP» جوباسى تۋرالى جازدى، دەپ حابارلايدى Kazinform ەلوردا اكىمدىگىنىڭ رەسمي سايتىنا سىلتەمە جاساپ.

جەڭىس قاسىمبەك جازبادا ءومىر ءسۇرۋ ساپاسى نەگىزىنەن تاڭداعان ماماندىق پەن جۇمىسقا بايلانىستى ەكەنىن، دەگەنمەن قالا تۇرعىندارىنىڭ ءبارى بىردەي بەلگىلى ءبىر ماماندىق يەسى بولا الماعانىن اتاپ ءوتتى. سونداي-اق بىرەر اي بۇرىن ىسكە قوسىلعان جوبا ارقىلى نارىقتاعى قاجەتتى داعدىلاردى مەڭگەرۋگە جانە جۇمىسقا ورنالاسۋعا ۇلكەن مۇمكىندىك اشىلعانىن تىلگە تيەك ەتكەن.

«قىركۇيەك ايىندا ءبىز «JOLTAP» الەۋمەتتىك جوباسىن ىسكە قوستىق. جوبا مەملەكەتتىك قولداۋ شارالارى، اتاۋلى الەۋمەتتىك كومەك، بيزنەس اشۋ ءۇشىن وتىنىمدەر بەرۋ، وقىتۋ، جۇمىس ىزدەۋ بويىنشا تەگىن كونسۋلتاتسيالار بەرەدى. «JOLTAP» جوباسى اياسىندا قالا تۇرعىندارى قىسقا مەرزىمدى ەكى باعدارلامادا تەگىن ءبىلىم الادى.

ءبىرىنشى باعدارلاما تىگىنشى، ناۋبايشى، ساتۋشى-كاسسير، قوعامدىق تاماقتاندىرۋ قىزمەتىنىڭ امبەباپ قىزمەتكەرى، باريستا سياقتى 5 جۇمىسشى ماماندىعىن وقىتۋعا ارنالعان.

ەكىنشى باعدارلاما - «Freelance Mumkindik» جەتى سيفرلىق داعدى بويىنشا وقىتۋدى ۇسىنادى: تارگەتولوگ، SMM، ۆيدەوگراف، ماركەتپلەيس، موبيلوگراف، گرافيكالىق ديزاينەر جانە ۆەب- ديزاينەر (سايت ازىرلەۋ).

وقۋ سىنىپتارىن ارالاپ، باعدارلاماعا قاتىسۋشىلارمەن اڭگىمەلەستىم. بۇل جوبادا قاتىسۋشىلار تەوريالىق قانا ەمەس، پراكتيكالىق ءبىلىم دە الادى. سول سياقتى ولارعا سەرتيفيكاتتار بەرىلىپ، جۇمىسقا ورنالاسۋعا كومەك كورسەتىلەدى. وقىتۋ ۇزاقتىعى باعدارلاماعا بايلانىستى ون كۇندىك كۋرستان ءبىر جارىم ايعا دەيىن سوزىلادى.

«JOLTAP» جوباسى مەملەكەت باسشىسىنىڭ ناتيجەلى جۇمىس ورىندارىن قۇرۋعا باسا نازار اۋدارا وتىرىپ، بەلسەندى الەۋمەتتىك ساياساتتىڭ قاجەتتىلىگى تۋرالى تاپسىرماسىن ورىنداۋ ماقساتىندا جۇزەگە اسىرىلىپ جاتىر.

جوبا قۇرالدارى تۋرالى تولىق اقپاراتتى «بارشاعا مۇمكىندىك» مودۋلدىك پۋنكتەرى ارقىلى مىنا مەكەنجايلار بويىنشا الۋعا بولادى:

«جاستار» سارايى، رەسپۋبليكا داڭعىلى، 34؛

«تۇلپار» س و، ش. ءۋاليحانوۆ كوشەسى، 24؛

«Euromall» س ءۇ، قوسشىعۇل ۇلى كوشەسى، 24؛

«Ailand» س و و، قورعالجىن تاس جولى، 2؛

«ۆسترەچا» س ءۇ، ابىلاي حان داڭعىلى، 31؛

«Mechta» س ءۇ، سىعاناق كوشەسى، 3؛

«ازيا پارك» س و و، قابانباي باتىر داڭعىلى، 21؛

«Magnum» سۋپەرماركەتى، ەدىل كوشەسى، 26؛

«سايانۇر» بازارى، تىلەنديەۆ داڭعىلى، 24/5؛

«Big شانحاي» س ءۇ، الاش تاس جولى، 32ا.

تۇرعىندارعا ىڭعايلى بولۋ ءۇشىن «JUMYS TAP» (@jumystap_bot) Telegram-بوت ىسكە قوسىلدى، وندا ماڭىزدى بوس جۇمىس ورىندارى جاريالانادى»، - دەپ جازدى جەڭىس قاسىمبەك.