جەنەۆادا جاساندى ينتەللەكتكە قاتىستى قىتاي- ا ق ش ديالوگىنىڭ ءبىرىنشى راۋندى ءوتتى

استانا. KAZINFORM - جەنەۆادا جاساندى ينتەللەكت (ج ي) بويىنشا قىتاي- امەريكاندىق ۇكىمەتارالىق ديالوگتىڭ ءبىرىنشى وتىرىسى ءوتتى.قىتايلىق ب ا ق-تىڭ حابارلاۋىنشا، ەكى تاراپ ج ي تەحنولوگيالارىمەن بايلانىستى تاۋەكەلدەر، جاھاندىق باسقارۋ جانە ولاردى قىزىقتىراتىن باسقا دا ماسەلەلەر بويىنشا تەرەڭ، كاسىبي جانە سىندارلى پىكىر الماستى.

تاراپتار ج ي تەحنولوگيالارى مەن ونى باسقارۋ سالاسىنداعى باستامالارىمەن بايلانىستى تاۋەكەلدەر، سونداي-اق ج ي كومەگىمەن ەكونوميكالىق جانە الەۋمەتتىك دامۋعا جاردەمدەسۋ بويىنشا قابىلدانعان شارالار تۋرالى پىكىر ءبىلدىردى.

قىتاي تاراپى ج ي تەحنولوگياسى - قازىرگى ۋاقىتتا ەڭ كوپ نازار اۋدارىپ وتىرعان جاڭا تەحنولوگيا ەكەنىن جانە ونىڭ ءارقاشان ادامعا باعدارلانۋ جانە اقىل-ويدى يگىلىككە پايدالانۋ تۇجىرىمدامالارىن ۇستاناتىنىن، وسىلايشا ج ي تەحنولوگياسى پايدالى، قاۋىپسىز جانە ادىلەتتى ەكەنىن اتاپ ءوتتى.

قىتاي بىرىككەن ۇلتتار ۇيىمىنىڭ باستى ارنا ءرولىن اتقارۋى ءۇشىن ج ي-دى جاھاندىق باسقارۋدىڭ نىعايتىلۋىن قولدايدى جانە ج ي-دى باسقارۋدىڭ جاھاندىق جۇيەسى مەن ستاندارتتارى مەن نورمالارىن قۇرۋ ءۇشىن حالىقارالىق قاۋىمداستىقپەن، سونىڭ ىشىندە امەريكا قۇراما شتاتتارىمەن بايلانىس پەن ۇيلەستىرۋدى كۇشەيتۋگە دايىن.

ەكى تاراپ ج ي تەحنولوگيالارىنىڭ دامۋى مۇمكىندىكتەر دە، تاۋەكەلدەر دە تۋدىراتىنىن مويىندادى.

اۆتور
زارينا تۋعانبايەۆا