قىتايدا عىلىمي جەتىستىكتىڭ جاڭا كەزەڭى باستالدى: زەرتتەۋشىلەر ادامعا قاراڭعىدا كورۋگە مۇمكىندىك بەرەتىن ەرەكشە لينزالار جاساپ شىعاردى. ەڭ تاڭعالارلىعى - بۇل لينزالار ارقىلى ادام ءتىپتى كوزىن جۇمسا دا، اينالاسىن كورە الادى، دەپ حابارلايدى turkystan.kz سايتى eurekalert.org-قا سىلتەمە جاساپ.
جاڭاشىل قۇرىلعىنىڭ سىرى - لينزا قۇرامىنداعى نانوبولشەكتەردە. ولار ينفراقىزىل ساۋلەنى ءسىڭىرىپ، ونى كوزگە كورىنەتىن جارىققا اينالدىرادى. عالىمداردىڭ ايتۋىنشا، ينفراقىزىل ساۋلە ادام قاباعى ارقىلى جاقسى وتەدى، بۇل ءتىپتى كوز جۇمۋلى بولسا دا، كورۋگە مۇمكىندىك بەرەدى.
قازىر لينزالاردىڭ سوڭعى تەحنيكالىق وڭدەۋ جۇمىستارى اياقتالۋعا جاقىن. كوپ ۇزاماي، سىرت كوزگە كادىمگى لينزا بولىپ كورىنەتىن بۇل ونەرتابىس تۇندە كورۋگە ارنالعان كولەمدى قۇرىلعىلاردىڭ ورنىن باسۋى مۇمكىن.
عىلىمي قاۋىمداستىق بۇل جاڭالىقتى اسكەري، قۇتقارۋ جانە مەديتسينا سالالارىندا كەڭىنەن قولدانۋعا بولادى دەپ باعالاپ وتىر.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан