مامانداردىڭ ايتۋىنشا، جارتاسقا كوتەرىلۋ تابيعي ەسكەرتكىشتىڭ تۇتاستىعىنا زيان كەلتىرىپ قانا قويماي، ادامداردىڭ ءومىرى مەن دەنساۋلىعىنا قاۋىپ توندىرەدى.
- جۇمباقتاس - ەرەكشە قورعالاتىن تابيعي ايماق. ونىڭ تەك ەستەتيكالىق ەمەس، مادەني-تاريحي قۇندىلىعى دا زور. سوندىقتان كەلۋشىلەردەن بەلگىلەنگەن ءتارتىپ پەن قاۋىپسىزدىك تالاپتارىن ساقتاۋدى سۇرايمىز، - دەلىنگەن رەسمي حابارلامادا.
ءتارتىپ بۇزۋشىلار قازاقستان رەسپۋبليكاسىنىڭ اكىمشىلىك زاڭناماسىنا سايكەس جاۋاپكەرشىلىككە تارتىلادى.
- ەكولوگتار مەن جەرگىلىكتى بيلىك وكىلدەرى تابيعي مۇرانى قورعاۋ - ءاربىر ازاماتتىڭ مىندەتى ەكەنىن ەسكەرتەدى، - دەلىنگەن حابارلامادا.
ايتا كەتەلىك شىلدەدەن باستاپ «استانا-بۋراباي» باعىتىندا جاڭا ەلەكتر پويىزى قاتىنايدى.