جۇمانعارين سالىق رەفورماسىنىڭ ەڭ ءبىرىنشى مىندەتىن اتادى
استانا. KAZINFORM – ق ر پرەمەر-ءمينيسترىنىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين جاڭا سالىق كودەكسى بيزنەستى «اعارتۋعا»، كولەڭكەلى ايماقتان شىعارۋعا نەگىزدەلگەنىن ايتتى.
- بۇل رەفورمانىڭ ەكى مىندەتى بار. ءبىرىنشىسى - بيزنەستى ىنتالاندىرۋ: ۇساقتان - شاعىنعا، شاعىننان - ورتاعا، ورتادان - ىرىگە. بۇل وزگەرىستىڭ ەڭ ءمان بەرەتىن تۇسى - كاسىپ يەسى ارنايى سالىقتىق تارتىپتە بولا تۇرىپ جالپىعا ورتاق ءتارتىپ سۋبەكتىلەرمەن جۇمىس ىستەي المايدى. ءبىز وعان تىيىم سالىپ تاستادىق. ءيا، بۇل قاتال ءتاسىل، ءبىراق سولاي ەتۋ كەرەك بولدى. بۇل دەگەنىمىز سەن تەندەرگە قاتىسىپ، جەتكىزۋشى رەتىندە باسقا دا كەلىسىمدەر جاساعىڭ كەلسە، جالپىعا ورتاق سالىقتىق تارتىپكە ءوتۋىڭ كەرەك دەگەن ءسوز. ول ءۇشىن «اعارۋىڭ» كەرەك، قانشا جالاقى بەرەتىنىڭدى، قانشا ادام جۇمىس ىستەيتىنىن اشىپ كورسەتۋىڭ كەرەك، - دەدى ول «اتامەكەن» ق ر ۇلتتىق كاسىپكەرلەر پالاتاسىندا وتكەن باسپا ءسوز ءماسليحاتىندا.
بۇعان دەيىن ول جاڭا سالىق كودەكسى كاسىپكەرلىككە قالاي اسەر ەتەتىنىن ايتىپ بەرگەن ەدى.
ايتا كەتەيىك، بۇگىن مەملەكەت باسشىسى جاڭا سالىق كودەكسىنە قول قويدى.