جۇلدىز سۇلەيمەنوۆا: ولجاس بەكتەنوۆتىڭ ەكس-پرەمەردەن باستى ارتىقشىلىعىن اتادى

استانا. KAZINFORM - ءماجىلىستىڭ جالپى وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن دەپۋتات جۇلدىز سۇلەيمەنوۆا «Amanat» پارتياسىنىڭ دەپۋتاتتارى ۇكىمەتتىڭ جاڭا باسشىسى ولجاس بەكتەنوۆكە نەلىكتەن سەنىم ارتىپ وتىرعانىن ايتتى.

«بۇل قازاقستان تاريحىنداعى ەڭ جاس پرەمەر-مينيستر بولعالى تۇر. سەنىم ارتا الاسىزدار ما؟» - دەپ سۇرادى جۋرناليست.

دەپۋتات جاڭا بۋىنعا سەنىم ارتاتىن كەز جەتكەنىن ايتتى.

«جايلى مەكتەپ» سياقتى حالىقتىڭ يگىلىگىنە ارنالعان جوبالاردىڭ ءبارىن اياعىنا دەيىن جەتكىزۋگە جاڭا پرەمەر-ءمينيستردىڭ جانە جاڭا مينيسترلەر كابينەتىنىڭ ءبىر تاباندى قىزمەتى بولادى دەپ سەنەمىن. جاستار، جاڭا بۋىن كەلە جاتىر. مەنىڭ ويىمشا، مەملەكەت باسشىسى ايتتى عوي، «ءتارتىپتى، تازا ادامداردىڭ ءبىرى» دەپ ءوزىمىز دە كەشەدەن بەرى قاراپ جاتىرمىز. سوندىقتان مەنىڭ ويىمشا، بىزگە قازىرگى تاڭدا تازا، ءوزى ءتارتىپتى، سول ءتارتىپتى باسقادان تالاپ ەتە الاتىنداي ازامات كەرەك بولدى. مەن ءوزىم سەنەمىن»، - دەدى جۇلدىز سۇلەيمەنوۆا.

ب ا ق وكىلدەرى ەكس-پرەمەر ءا. سمايىلوۆتان ولجاس بەكتەنوۆتىڭ نەگىزگى ارتىقشىلىعى قانداي ەكەنىن سۇرادى.

«تاباندىلىق» دەپ جاۋاپ بەردى دەپۋتات.

ايتا كەتەيىك، بۇگىن ولجاس بەكتەنوۆ پرەمەر-مينيستر بولىپ تاعايىندالدى.