جەل، نايزاعاي، جاۋىن: 15-شىلدەگە اۋا رايى بولجامى

استانا. KAZINFORM - قازگيدرومەت سينوپتيكتەرى 15-شىلدە، دۇيسەنبىگە ارنالعان اۋا رايى بولجامىن جاريالادى.

وڭتۇستىك سيكلون جانە ونىمەن بىرگە كەلەتىن اتموسفەرالىق فرونتتاردىڭ اسەرىنەن اۋا رايىنىڭ تۇراقسىز سيپاتى ساقتالادى.

جاڭبىر جاۋادى، سولتۇستىك-باتىستا، سولتۇستىكتە، وڭتۇستىك-شىعىستا، وڭتۇستىكتە، ورتالىقتا كۇن كۇركىرەپ، بۇرشاق بولادى.

قاتتى جەلمەن بىرگە نوسەر جاۋىن جاۋادى.

رەسپۋبليكا بويىنشا جەل كۇشەيەدى، وڭتۇستىك-باتىستا، سولتۇستىكتە تۇنگى جانە تاڭەرتەڭگى ۋاقىتتا تۇمان تۇسەدى.

كۇندىز الماتى، اتىراۋ وبلىستارىندا، اباي وبلىسىنىڭ وڭتۇستىگىندە اپتاپ ىستىق بولادى.

اتىراۋدا، ماڭعىستاۋ، باتىس قازاقستان، جامبىل، اباي، اقتوبە، شىعىس قازاقستان وبلىسىنىڭ وڭتۇستىك-شىعىسىندا جوعارى ءورت قاۋپى ساقتالادى.

ماڭعىستاۋدا، تۇركىستان وبلىسىنىڭ ءشولدى اۋداندارىندا، جامبىل وبلىسىنىڭ باتىسىندا جانە ۇلىتاۋوبلىسىندا، قوستاناي وبلىسىنىڭ وڭتۇستىگىندە، ورتالىعىندا، شىعىسىندا، قىزىلوردا وبلىسىنىڭ وڭتۇستىگىندە، اتىراۋوبلىسىنىڭ وڭتۇستىك-شىعىسىندا توتەنشە ءورت قاۋپى بار.