جەكسەنبىدە كۇن كۇركىرەپ، نوسەر جاۋىن جاۋادى

استانا. KAZINFORM - قازگيدرومەت سينوپتيكتەرى 14-شىلدە، جەكسەنبىگە ارنالعان اۋا رايى بولجامىن جاريالادى.

وڭتۇستىك سيكلون جانە ونىمەن بىرگە كەلەتىن اتموسفەرالىق فرونتتار جاڭبىر شاقىرادى.

سولتۇستىك-باتىستا، وڭتۇستىك- شىعىستا، وڭتۇستىكتە، ورتالىقتا قاتتى جاڭبىر مەن بۇرشاق جاۋادى، نايزاعاي جارقىلداپ، داۋىل تۇرادى.

«ەلدىڭ شىعىسىندا عانا انتيسيكلون اسەرىنەن جاۋىن-شاشىنسىز اۋا رايى ساقتالادى. رەسپۋبليكا بويىنشا جەل كۇشەيەدى، سولتۇستىك-باتىستا تۇنگى جانە تاڭەرتەڭگى ۋاقىتتا تۇمان تۇسەدى. كۇندىز الماتى جانە جەتىسۋ وبلىسىندا، اباي وبلىسىنىڭ وڭتۇستىگىندە قاتتى ىستىق بار» دەيدى ماماندار.

ماڭعىستاۋ، تۇركىستان، جامبىل، ۇلىتاۋ، قوستاناي، قىزىلوردا، اتىراۋ، باتىس قازاقستان، اقتوبە، اباي وبلىستارىندا ءورت قاۋپى جوعارى بولادى.