14:56, 26 جەلتوقسان 2025

جەكە مەنشىك مەكتەپتەر جاپپاي جابىلا ما

استانا. KAZINFORM - وقۋ-اعارتۋ مينيسترلىگى ءبىلىم سالاسىندا ساپانى قامتاماسىز ەتۋ كوميتەتىنىڭ ءتوراعاسى سەرىك ءاشىروۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا جەكە مەنشىك مەكتەپتەردىڭ جاپپاي جابىلاتىنى تۋرالى اقپاراتتارعا تۇسىنىكتەمە بەردى.

Фото: Маңғыстау облысы әкімдігі

- ەل ىشىندە جەكە مەنشىك مەكتەپتەر جابىلاتىنى تۋرالى قاۋەسەت تاراپ ءجۇر. وسى شىن با، - دەپ سۇرادى ب ا ق وكىلى.

سەرىك ءاشىروۆ ءبىلىم بەرۋ تۋرالى زاڭ مەكتەپتەر مەنشىك يەسىنە قاراماستان ورتاق ەرەجەمەن جۇمىس ىستەيتىنىن ەسكە سالدى.

- جەكە مەنشىك مەكتەپتەر اۋەلى ليتسەنزيا الىپ، وسىدان كەيىن مەملەكەتتىك اتتەستاتسيادان، مەملەكەتتىك باقىلاۋدان وتەدى. مەملەكەتتىك مەكتەپتەرگە دە وسىنداي تالاپ قويىلادى. جەكە مەنشىك مەكتەپتەر زاڭداعى تالاپتاردى بۇزعان جاعدايدا عانا جابىلادى. قانداي دا ءبىر مەكتەپ جابىلاتىن بولسا، بۇل ونىڭ مەنشىك فورماسىمەن بايلانىستى ەمەس. سونىمەن قازاقستاندا جەكە مەنشىك مەكتەپتى جابۋ جوسپارى جوق، ونداي جوسپار قاراستىرىلىپ جاتقان دا جوق، - دەدى كوميتەت باسشىسى.

بۇعان دەيىن وقۋ-اعارتۋ مينيسترلىگىنە قاراستى بولعان قارجى ورتالىعى 60 ورىندىق جەكە مەنشىك مەكتەپكە 600 وقۋشىنىڭ اقشاسى ءبولىپ كەلگەنىن جازعان ەدىك.

قوعام بيلىك جانە ساياسات
Ризабек Нүсіпбекұлы
«Қазақ тілі мен әдебиеті» мамандығының магистрі. 2009 жылдан бері "ҚазАқпарат" Халықаралық ақпарат агеніттігінде қызмет атқарады. "ҚазАқпарат" Халықаралық ақпарат агенттігін дамытуға қосқан үлесі үшін және еліміздің ақпарат саласына сіңірген еңбегі үшін «Күміс бітікші» медалінің иегері. Халықаралық, Республикалық жыр мүшәйраларының жүлдегері.