جۇك كولىگىنىڭ جۇرگىزۋشىسى قاماۋعا الىندى- 5 بالا كوز جۇمعان اپات
اقتوبە. KAZINFORM - سامارا - شىمكەنت تاسجولىنىڭ حرومتاۋ اۋدانى بوگەتساي اۋىلى ماڭىندا بولعان جول اپاتىنان سوڭ جۇك كولىگىنىڭ جۇرگىزۋشىسى قامالدى. قازىرگى كەزدە بىرنەشە ساراپتاما تاعايىندالعان.
اقتوبە وبلىستىق پ د باستىعىنىڭ ورىنباسارى عالىم بايجانوۆتىڭ ايتۋىنشا، ەكى جانە ودان دا كوپ ادامنىڭ ولىمىنە اكەپ سوققان جول-كولىك اپاتىنان سوڭ تەرگەپ-تەكسەرۋ جۇرگىزىلىپ جاتىر.
كۇدىكتى «MAN» كولىگىنىڭ جۇرگىزۋشىسى ۋاقىتشا ۇستاۋ يزولياتورىنا قامالدى.
- پوليتسيا دەپارتامەنتى بالالاردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ مىندەتتەرىن تيىسىنشە ورىنداماۋ فاكتىسى بويىنشا سوتقا دەيىنگى تەرگەپ-تەكسەرۋ جۇمىستارى باستادى. بارلىق جاۋاپتى تۇلعالارعا قۇقىقتىق باعا بەرىلەدى. قاجەتتى ساراپتامالار تاعايىندالدى، - دەدى عالىم بايجانوۆ.
ايتا كەتەيىك، 7-تامىز كۇنى سامارا - شىمكەنت تاسجولىندا جول اپاتى بولىپ، 5 بالا، ءۇش ەرەسەك ادام كوز جۇمدى.
اراسىندا اكەسى مەن ەكى بالاسى دا بار.
وسى وقيعادان سوڭ وبلىس اكىمدىگى جۇمىس توبى قۇرىلعانىن حابارلادى.
اۆتور
التىناي ساعىندىقوۆا