س ق و اكىمدىگىندە وتكەن جيىندا وبلىستىق كولىكتىك باقىلاۋ ينسپەكسياسىنىڭ باسشىسى نۇرسۇلتان جاماشوۆ وڭىردەگى جاعدايعا توقتالدى.
قازىر وڭىردە اۆتوماتتاندىرىلعان ەكى ولشەۋ ستانتسياسى جۇمىس ىستەيدى. بۇل جۇيە كولىكتەردىڭ سالماعى مەن گاباريتىن اۆتوماتتى تۇردە ولشەيدى. وبلىستا ستانسيالار بىلتىر مامىر ايىندا قوسىلىپ، ناتيجەسىندە بيىلعى ناۋرىزعا دەيىن ارتىق جۇكتەمە جانە گاباريت بۇزۋدىڭ 747 دەرەگى انىقتالعان. الايدا سونىڭ تەك بويىنشا عانا ايىپپۇل راسىمدەلگەن. قالعان جاعدايدا جۇرگىزۋشىلەر جازاسىز قالىپ وتىر. ماسەلە تەحنيكانىڭ السىزدىگىندە ەمەس، جۇرگىزۋشىلەردىڭ ايلاكەرلىگىندە.
- كەيبىر جۇرگىزۋشىلەر مەملەكەتتىك ءنومىرىن ادەيى جاسىرىپ، جالعان نەمەسە وزگەرتىلگەن نومىرلىك بەلگىلەر پايدالانىپ، ءتىپتى باقىلاۋ ستانسيالارىن اينالىپ وتەدى. سونىڭ سالدارىنان سيفرلىق باقىلاۋ جۇيەسىنىڭ مۇمكىندىگى تولىق ىسكە اسپاي وتىر. قازىرگى تاڭدا باستى پروبلەما - زاڭبۇزۋشىلىقتى جاسىرۋدىڭ جولدارى كوبەيگەن. سول سەبەپتى مەملەكەتتىك ورگاندار اراسىندا بىرلەسكەن ءىس-قيمىل جاساۋ تۋرالى ارنايى جول كارتاسىن بەكىتۋدى ۇسىنامىن، - دەيدى نۇرسۇلتان جاماشوۆ.
بيىلعى ءۇش ايدا اۆتوماتتاندىرىلعان ولشەۋ ستانسيالارى ارقىلى انىقتالعان زاڭ بۇزۋ فاكتىلەرى بويىنشا 4,4 ميلليون تەڭگە ايىپپۇل تولەۋ تۋرالى 14 نۇسقاما جولدانعان.
مامانداردىڭ ايتۋىنشا، قازىرگى ۋاقىتتا سقو اۋماعىندا 7,5 مىڭعا جۋىق جۇك كولىگى تىركەلگەن. ونىڭ ىشىندە 1435- ءى- سالماعى 20 توننادان اساتىن اۋىر ساموسۆالدار.
جالپى بىلتىر 5,5 مىڭعا جۋىق جۇك كولىگى تەكسەرىلىپ، انىقتالعان زاڭبۇزۋشىلىقتار بويىنشا 900-دەن استام اكىمشىلىك ماتەريال تولتىرىلعان. ناتيجەسىندە جالپى سوماسى 213,5 ميلليون تەڭگە ايىپپۇل سالىنىپ، ءوندىرىلدى.
بۇعان دەيىن تاعى 1,5 مىڭ شاقىرىم جولدا ورتاشا جىلدامدىقتى باقىلاۋ جۇيەسى ەنگىزىلەتىنىن جازعان ەدىك.