جەكە كۋالىكتى اۋىستىرۋ تولىعىمەن ونلاين فورماتقا كوشىرىلەدى

استانا. KAZINFORM - ءساۋىردىڭ سوڭىنا دەيىن جەكە كۋالىكتى اۋىستىرۋ پروتسەسى تولىعىمەن ونلاين فورماتقا كوشىرىلەدى. ەندى فوتوسۋرەتتىڭ تالاپتارعا سايكەستىگىن مامان ەمەس، ج ي-مودەل(جاساندى ينتەللەكتى) باعالايدى. وسىلايشا، شامامەن 1 ميلليون ادام ح ق و-عا بارماي-اق، ۋاقىتىن ۇنەمدەيدى.

سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆتىڭ ايتۋىنشا، وتكەن جىلى حالىققا قىزمەت كورسەتۋ ورتالىعىنىڭ وپەراتورلارى 15,2 ميلليون قىزمەت كورسەتتى.

- وتىنىشتەردىڭ � ى ون قىزمەتكە تيەسىلى. ءبىز مەملەكەتتىك ورگاندارمەن بىرلەسىپ، بۇل قىزمەتتەردى اۆتوماتتاندىرۋ جانە بالاماسىز، تەك ونلاين فورماتقا كوشىرۋ بويىنشا جول كارتالارىن ازىرلەدىك. ءبىرىنشى كەزەڭدە: جەكە كۋالىكتى اۋىستىرۋ، ەلەكتروندى سيفرلىق قولتاڭبا بەرۋ، ەڭبەكشى ميگرانتتارعا رۇقسات بەرۋ قىزمەتتەرى. كەلەسى كەزەكتە تىركەۋ قىزمەتتەرى تۇر: كولىك، جىلجىمايتىن مۇلىك، جەر قۇجاتتارى. ماقساتىمىز - جىل سوڭىنا دەيىن حالىققا قىزمەت كورسەتۋ ورتالىعىنىڭ جۇكتەمەسىن P عا دەيىن ازايتۋ، - دەدى جاسلان ماديەۆ ۇكىمەتتىڭ بۇگىنگى وتىرىسىندا.

مىسالى، ەڭ سۇرانىسقا يە قىزمەتتەردىڭ ءبىرى - جەكە كۋالىكتى اۋىستىرۋ. بۇرىن ازاماتتاردىڭ حالىققا قىزمەت كورسەتۋ ورتالىعىنا كەلۋى، فوتو ءتۇسىرۋى جانە ۇزاق كەزەكتە تۇرۋى قاجەت بولاتىن.

- ايدىڭ سوڭىنا دەيىن بۇل پروتسەسس تولىعىمەن ونلاين فورماتقا كوشىرىلەدى. ءبىز پروتسەستەردى ءساتتى سىناقتان وتكىزدىك جانە فوتوسۋرەتتىڭ تالاپتارعا سايكەستىگىن ماماننىڭ ورنىنا AI- مودەل باعالايتىن جۇيەنى وقىتتىق. پروتسەسس بارىنشا قاراپايىم: يدەنتيفيكاتسيادان ءوتۋ، فوتو مەن قولتاڭبانى جۇكتەۋ، ونلاين تولەم جاساپ، قۇجات دايىن بولعانى تۋرالى SMS كۇتۋ. كەزەكسىز، بارماي-اق، ءبارى ۇيدەن شىقپاي جاسالادى. اتالعان سەرۆيس شامامەن 1 ميلليون ادامنىڭ حالىققا قىزمەت كورسەتۋ ورتالىعىنا بارۋ قاجەتتىلىگىن جويادى، - دەيدى سالا ءمينيسترى.

بۇعان دەيىن جاسلان ماديەۆ eGov پورتالىن جاڭعىرتۋ جۇمىستارى قالاي جۇرەتىنىن ايتىپ بەرگەن ەدى.

ايتا كەتەيىك، وتكەن جىلى قازاقستاندا مەملەكەتتىك قىزمەتتىڭ � ونلاين كورسەتىلگەن. «ۇلتتىق قور - بالالارعا»، «ستوپ- كرەديت»، «كولىك يەلەنۋ تاريحى»، «قۇمار ويىندارعا قاتىسۋدان ەرىكتى تۇردە باس تارتۋ» سەكىلدى تانىمال سەرۆيستەر ىسكە قوسىلعان.

سونداي-اق، eGov ارقىلى كەدەرگى كەلتىرگەن كولىك يەلەرىنە ءانونيمدى حابارلاما جىبەرۋگە بولادى.

اۆتور

ايجان سەرىكجان قىزى