جەكپە- جەك الدىندا اۋرۋحاناعا تۇسكەن ءالىمحان ۇلى قازىرگى جاعدايى تۋرالى جازبا جاريالادى

استانا. قازاقپارات - WBO جانە IBF تۇجىرىمدارى بويىنشا ورتا سالماقتاعى الەم چەمپيونى جانىبەك ءالىمحان ۇلى قازىرگى جاعدايى تۋرالى الەۋمەتتىك جەلىدەگى پاراقشاسىندا جازبا جاريالادى.

- ءار قيىندىق ارتىندا جەڭىلدىك بار. سالماق قۋۋ بارىسىنداعى سىناقتى دا باستان وتكىزىپ جاتىرمىز، اعايىن. ۋايىمداپ جاتقان جاناشىر جاننىڭ بارىنە كوپ راقمەت. اللاعا شۇكىر، اۋرۋحانادان شىقتىق. دەنساۋلىق ءبىرىنشى ورىندا. ءبىز جاۋىنگەرمىز عوي. مۇنداي سىناقتار ءبىزدى سىندىرا المايدى، شىڭدايدى. بۇيىرتسا ءالى تالاي الەمگە قازاق ستيلىن كورسەتىمىز. قولداۋلارىڭىزعا راقمەت، - دەپ جازدى ج. ءالىمحان ۇلى.

بۇعان دەيىن بوكسشىنىڭ مەنەدجەرى بەرىك سۇلتان بوكسشىنىڭ قازىرگى جاعدايى تۋرالى جازبا جاريالاعان ەدى.

ەسكە سالا كەتەيىك، جانىبەك ءالىمحان ۇلى مەن اندرەي ءميحايلوۆيچتىڭ جەكپە- جەگى لاس- ۆەگاستە (ا ق ش) 13-شىلدە كۇنى تۇندە بولادى دەپ جوسپارلانعان ەدى. قازاقستاندىق بوكسشىنىڭ سالماق قۋۋ بارىسىندا ەسىنەن تانىپ، اۋرۋحاناعا ءتۇسىپ قالۋىنا بايلانىستى جەكپە-جەك وتپەيتىنى حابارلاندى.