جەكە دەرەكتەردىڭ تارالۋىنا قاتىستى تەكسەرۋ جۇرگىزىلىپ جاتىر

استانا. KAZINFORM - الەۋمەتتىك جەلىلەردە قازاقستان ازاماتتارىنىڭ جەكە دەرەكتەرى تارادى دەگەن اقپاراتقا بايلانىستى سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى رەسمي مالىمدەمە جاسادى.

مينيسترلىكتىڭ حابارلاۋىنشا، اقپاراتتىق قاۋىپسىزدىك كوميتەتى قۇقىق قورعاۋ جانە ارنايى ورگاندارمەن بىرلەسىپ، ۇسىنىلعان اقپاراتتىڭ شىنايىلىعى مەن وزەكتىلىگىن انىقتاۋ ماقساتىندا كەشەندى تەكسەرۋ جۇرگىزىپ جاتىر.

- العاشقى تالداۋ بۇل دەرەكتەردىڭ مەملەكەتتىك ەمەس، ياعني جەكەمەنشىك اقپاراتتىق جۇيەلەردەن الىنۋى مۇمكىن ەكەنىن كورسەتتى. قازىرگى تاڭدا مەملەكەتتىك اقپاراتتىق جۇيەلەرگە جاسالعان كيبەرشابۋىل نەمەسە دەرەكتەردىڭ تارالۋ فاكتىلەرى تىركەلگەن جوق، - دەلىنگەن ۆەدومستۆو حابارلاماسىندا.

مينيسترلىك تەكسەرۋ تولىق اياقتالعانعا دەيىن قانداي دا ءبىر قورىتىندى جاساۋعا ەرتە ەكەنىن ەسكەرتتى. سونىمەن قاتار ازاماتتاردىڭ دەربەس دەرەكتەرى تارالعان جاعدايدا، بۇل تۋرالى eGov پورتالى ارقىلى جەكە كابينەتتەرىنە حابارلاما جولدانادى.

- بۇعان دەيىن دە وسىنداي جاعدايلاردا جاريالانعان مالىمەتتەر ەسكى اقپاراتتىق بازالاردان - نەگىزىنەن قىزمەت كورسەتۋ سالالارى مەن ميكروقارجى ۇيىمدارىنان الىنعان بولاتىن، - دەپ ناقتىلادى مينيسترلىك.

ت س د ي ا و م بۇل جاعدايدى باقىلاۋدا ۇستاپ وتىر جانە قوسىمشا اقپارات تەكسەرۋ ناتيجەلەرى بويىنشا جاريالاناتىنىن مالىمدەدى.