جەدەل ىشەك ينفەكسياسىن جۇقتىرعان قىزىلوردالىقتاردىڭ %84 بالالار
قىزىلوردا. KAZINFORM - قىزىلوردا وبلىسىندا جىل باسىنان بەرى جەدەل ىشەك ينفەكتسياسىن جۇقتىرۋدىڭ 342 جاعدايى تىركەلدى. بۇل وتكەن جىلدىڭ وسى مەرزىمىمەن سالىستىرعاندا 7 جاعدايعا تومەن.
وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە، اۋرۋعا شالدىققانداردىڭ باسىم بولىگى وبلىس ورتالىعىنىڭ ۇلەسىندە - �,4. جاس شاماسىنا قاراي جىكتەسەك، � - 14 جاسقا تولماعان بالالار.
كۇن جىلىنعان بويدا قاۋىپ ەسەلەنەدى. ماماندار سىرقات نەگىزىنەن ءۇي جاعدايىندا دايىنداۋ تەحنولوگياسى بۇزىلعان، دۇرىس ساقتالماعان تاعامدى تۇتىنۋ، قايناماعان ءسۋ ىشۋ، بالا كۇتىمى بارىسىندا جەكە باس گيگيەناسىن ساقتاماۋدان پايدا بولاتىنىن ايتىپ وتىر. ال كوكتەم جانە جاز مەزگىلىندە ەرتە پىسكەن جەمىس-جيدەكتى مولشەردەن تىس پايدالانۋ جاعدايدى ءتىپتى كۇردەلەندىرەدى. كوكتەم باستالعالى جەدەل ىشەك ينفەكتسياسىنىڭ كلينيكالىق بەلگىلەرىمەن جۇقپالى اۋرۋلار اۋرۋحاناسىنا تۇسكەن 7 ناۋقاس جەمىس-جيدەك، باقشا ءونىمىن تۇتىنعاننان كەيىن ءوزىن جايسىز سەزىنگەنىن ايتقان.
- جەدەلدەتىلگەن رەجيمدە وسىرىلگەن باقشا ءونىمىنىڭ قۇرامىندا پەستيتسيد، نيترات كوپ كەزدەسەدى، ال ول اعزانى ۋلاۋى مۇمكىن. كەيبىر باۋ-باقشا وسىرۋشىلەر تىڭايتقىشتىڭ دوزاسىن رۇقسات ەتىلگەن كولەمنەن ادەيى اسىرادى. ناتيجەسىندە ءونىم تابەتتى اشاتىنداي تارتىمدى كورىنەدى. ءبىراق ءارقاشان ءدامدى ءارى پايدالى بولا بەرمەيدى. نيترات، ازوت قىشقىلىنىڭ تۇزى ادام اعزاسىندا، كەيدە توڭازىتقىشتىڭ ىشىندە نيتريت پەن ازوت قىشقىلىنىڭ تۇزىنا اينالادى. بۇل ءوز كەزەگىندە دەنساۋلىققا ايتارلىقتاي زيان. ماسەلە نيتراتتىڭ بولۋىندا ەمەس، ونىڭ مولشەرى مەن كونسەنتراتسياسىندا. از مولشەردەگى نيترات پەن ءنيتريتتى اعزا ازعانتاي ۋاقىتتا ءوزى شىعارا الادى. ءبىراق شامادان تىس بولىپ، اعزا وعان قانىعاتىن بولسا، بۇل ۋلانۋدىڭ اۋىر تۇرىنە اكەپ سوعادى، - دەدى دەپارتامەنت باسشىسى گۇلميرا سىزدىقوۆا.
باقشا ءونىم ەڭ تەز دەگەننىڭ وزىندە شىلدە ايىنىڭ سوڭىنا قاراي پىسە باستايدى. سوندىقتان ماماندار قاۋىن-قاربىز، جەمىس-جيدەك، كوكونىستى ودان ەرتە جەمەۋگە كەڭەس بەرەدى.
- وندا دا تەك رۇقسات ەتىلگەن ساۋدا ورىندارىنان العان ءجون. ساتىپ الماس بۇرىن ءونىمنىڭ قاۋىپسىزدىگىن راستايتىن قۇجاتتى تالاپ ەتىڭىز. نيترات دوزاسىن ازايتۋ ءۇشىن كوكونىس پەن جەمىستى قابىعىنان، تامىرىنان، ساباعىنان تازارتىنىز. ال تۇتىنار الدىندا از مولشەردەگى سۋدا ۇستاعان ءجون، بۇل ونىڭ قۇرامىنداعى زياندى زاتتار كولەمىن ازايتۋعا مۇمكىندىك بەرەدى، - دەدى گۇلميرا سىزدىقوۆا.