استانا. KAZINFORM - جەدەل جاردەم قىزمەتكەرلەرىن دورەكى ارەكەتتەردەن قورعاۋ ءۇشىن ۆيدەوجەتون ءتاسىلىن ەنگىزىلمەك. بۇل جايىندا دەنساۋلىق ساقتاۋ ءمينيسترى اقمارال ءالنازاروۆا ۇكىمەت وتىرسىنان كەيىن وتكەن باسپا ءسوز ءماسليحاتىندا ايتتى .
- ءبىز بۇكىل شاقىرتۋلاردى تىركەيتىن ۆيدەوجەتون تاعۋ ءتاسىلىن ەنگىزەمىز. سول ءۇشىن №225-بۇيرىق شىعاردىق. اكىمدىكتەر وسى بۇيرىق نەگىزىندە قاجەتتى قاراجات ءبولۋ كەرەك. جىل اياعىنا دەيىن كەزەڭ-كەزەڭمەن وسى جۇمىستى جۇرگىزەمىز دەپ ويلايمىن.
الماتى دا وسى تاجىريبەنى پىسىقتاپ كوردىك. بۇل مەديتسينا قىزمەتكەرلەرىن دە، كەيبىر دورەكى بازبۇزارلاردى دا تارتىپكە سالادى، - دەدى ول.
بۇعان دەيىن دەنساۋلىق ساقتاۋ مينيسترلىگى ەلدەگى سانيتاريالىق اۆتوكولىكتەردى GPS ناۆيگاتسياسىمەن جابدىقتاۋ 100 پايىزعا جەتكەنىن ءمالىم ەتكەن بولاتىن.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.