جازدىڭ ەكىنشى كۇنى اۋا رايى قانداي بولادى

استانا. KAZINFORM - قازگيدرومەت سينوپتيكتەرى 2-ماۋسىم، جەكسەنبىگە ارنالعان اۋا رايى بولجامىن جاريالادى.

قازاقستان تەرريتورياسىنىڭ باسىم بولىگىنە ءالى دە اتموسفەرالىق فرونتتار ءوز اسەرىن تيگىزەدى.

وسىعان بايلانىستى نايزاعاي جارقىلداپ، جاڭبىر جاۋادى، كۇندىز شىعىستا قاتتى جاۋىن بولادى.

تەك ەلىمىزدىڭ وڭتۇستىگىندە انتيسيكلون اسەرىنەن جاۋىن-شاشىنسىز اۋا رايى ساقتالادى.

رەسپۋبليكا بويىنشا جەل كۇشەيەدى، سولتۇستىكتە، وڭتۇستىك- باتىستا تۇنگى جانە تاڭەرتەڭگى ۋاقىتتا تۇمان تۇسەدى.

اتىراۋ، باتىس قازاقستان، قىزىلوردا، ماڭعىستاۋ وبلىستارىندا، تۇركىستان وبلىسىنىڭ ورتالىعى مەن سولتۇستىك- شىعىسىندا، جامبىل وبلىسىنىڭ سولتۇستىك- باتىسىندا، وڭتۇستىك- شىعىسىندا، قوستاناي وبلىسىنىڭ وڭتۇستىگىندە، اقتوبە وبلىسىنىڭ سولتۇستىگىندە، باتىسى مەن وڭتۇستىگىندە، قاراعاندى، ۇلىتاۋ وبلىستارىنىڭ وڭتۇستىگىندە جوعارى ءورت ءقاۋپى بار.

تۇركىستان، اتىراۋ، قىزىلوردا، باتىس قازاقستان وبلىستارىندا توتەنشە ءورت قاۋپى ساقتالادى.

اۆتور
جانات قاپالبايەۆا